कांग्रेसले नेताहरूलाई भन्याे– पार्टीभित्रकाे असन्तुष्टिबारे बाहिर नबाेल्नुस्

असार २८, २०७९ मंगलबार १९:५३:१ | उज्यालो सहकर्मी

काठमाण्डाै – नेपाली कांग्रेसले पार्टीभित्रकाे असन्तुष्टि र फरक मत बाहिर नराख्न नेताहरूलाई आग्रह गरेकाे छ । पार्टीकाे जारी केन्द्रीय समिति बैठकमा पार्टीभित्रकाे असन्तुष्टि बाहिर नराखी बैठकमै राख्न आग्रह गरिएकाे प्रवक्ता डा. प्रकाशशरण महतले जानकारी दिनुभयाे ।

उहाँले पार्टी एकताबद्ध रहेको सन्देश दिनका लागि सबै विषय बैठकभन्दा बाहिर राख्नु नहुने बताउनुभयो । उहाँले भन्नुभयो, ‘पार्टीभित्रका असन्तुष्टि अथवा फरक मत केन्द्रीय समितिभित्रै राख्दा हुन्छ । त्यसबारेमा बाहिर नै गएर भन्नुपर्ने स्थिति नआउँदा राम्रो हुन्छ । हामीबीच एकता र हाम्रो लक्ष्यप्रति सबै एकजुट छौँ भन्ने सन्देश जनताको बीचमा जानुपर्छ । केन्द्रीय समितिमा छलफलमा कुनै पनि विषय प्रवेश गराउन अप्ठेराे पनि छैन । केन्द्रीय समितिमा बोल्न पाइएन त्यस कारण अन्त गएर बोल्नुपर्ने, भन्नुपर्ने स्थिति छैन ।’

प्रवक्ता महतले शेरबहादुर देउवा नेतृत्वको सरकारको एक वर्ष सन्तोषजनक रहेको दाबी गर्नुभयाे । सरकारले भ्रष्टाचार रोकेको, कोभिड–१९ को व्यवस्थापन गर्न सफल भएको र सन्तुलित विदेश नीति सञ्चालन गर्न सफल भएको उहाँको भनाइ छ ।

पार्टीकाे केन्द्रीय समिति बैठकमा नेताहरूले महँगी नियन्त्रण गर्न र रासायनिक मलको सहज आपूर्तिका लागि सरकारले तदारुकता देखाउनुपर्ने माग गरेका थिए ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्