सरकारको एक वर्षे उपलब्धि सार्वजनिक, एसपीपी सम्झौता रोक्नेदेखि ६८ वर्षमै वृद्धभत्तासम्मका विवरण (विवरणसहित)

असार २९, २०७९ बुधबार १४:३८:१० | उज्यालो सहकर्मी

काठमाण्डाै - प्रधानमन्त्री शेरबहादुर देउवा नेतृत्वको सरकारले १ वर्षमा गरेका कामको विवरण सार्वजनिक गरेको छ ।

प्रधानमन्त्री देउवाको सचिवालयले सरकारले गएको वर्षको असार २९ गतेदेखि यो वर्षको असार २९ गतेसम्म अर्थात १ वर्षमा गरेका कामको विवरण सार्वजनिक गरेको छ ।

विवरणमा यसअघिको केपी शर्मा ओली नेतृत्वको सरकारले निम्त्याएको अस्थिरता र कुशासनको अन्त्य गरेर देशलाई लोकतान्त्रिक विधि र पद्धतिमा अघि बढाउन सफल भएको दाबी गरिएको छ ।

यस्तै, पालिका चुनाव सम्पन्न, सबै नागरिकलाई कोरोनाविरुद्धको खोप उपलब्ध गराइएको, गरिबीको रेखामुनि रहेका परिवारलाई अत्यावश्यक वस्तु सुपथ मूल्यमा उपलब्ध गराउन गरिब घरपरिवार परिचयपत्रको सुरुवात गरिएको, सङ्कटग्रस्त उद्योगधन्दा र विपन्न तथा बेरोजगारलाई विशेष प्याकेजको व्यवस्था गरिएको, क्यान्सर, मिर्गौला र स्पाइनल इन्जुरीका बिरामीलाई मासिक ५ हजार रुपैयाँ भत्ता दिन सुरुवात भएको लगायतका उपलब्धि विवरणमा समेटिएको छ ।

यस्तै, अति विपन्न परिवारलाई १० हजार रुपैयाँ राहतको घोषणा, युवालाई पढ्दै कमाउँदै कार्यक्रम, महिला पहिला कार्यक्रम, नेपाली वस्तुको उपयोगमा प्रोत्साहन गर्न मेक इन नेपाल कार्यक्रम घोषणा, भूमि आयोगको गठन गरेर भूमिहीन तथा सुकुम्वासी पहिचान र पूर्जा वितरणको थालनी, ज्येष्ठ नागरिकलाई ६८ वर्षमै भत्ता, किसानसँग सरकार र किसान पेन्सन कार्यक्रम घोषणा, विपक्षीले ९ महिनादेखि चल्न नदिएको संसद्को अवरोध अन्त्य, कर्मचारीको तलब वृद्धि, अमेरिकी स्टेट पार्टनरसीप प्रोग्राम एसपीपी अघि नबढाउने निर्णय, भारतमा बिजुली बिक्री लगायतका उपलब्धि भएको प्रगति विवरणमा उल्लेख छ ।

देउवा सरकारले सार्वजनिक गरेको एक वर्षे उपलब्धिको विवरण यस्तो छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारको एक वर्षे उपलब्धि सार्वजनिक, एसपीपी सम्झौता रोक्नेदेखि ६८ वर्षमै वृद्धभत्तासम्मका विवरण (विवरणसहित)

फाइल फाेटाे

तपाईको प्रतिक्रिया