भारतीय प्रधानमन्त्री मोदीले गरे सिक्किमकै पहिलो विमानस्थलको उद्घाटन

असोज ८, २०७५ सोमबार २०:४३:३३ | एजेन्सी

भारतीय प्रधानमन्त्री नरेन्द्र मोदीले सिक्किमको पहिलो विमानस्थलको सोमबार उद्घाटन गरेका छन् ।

सिक्किमको पाक्किम(प्याकोङ)मा रहेको विमानस्थलको उद्घाटन गर्दै प्रधानमन्त्रीले मोदीले अब सिक्किमले पर्यटन र आर्थिक विकासमा अझ प्रगति गर्ने बताए ।

सिक्किम पहाडी राज्य भएकाले यातायातका लागि केवल सडक मार्ग मात्रै विकल्प रहेको थियो । भारतमा तीव्रताका साथ रेल्वे लाइनको विस्तार भैरहको भए पनि भौगोलिक जटिलताका कारण सिक्किम रेल यातायातसँग जोडिन सकेको छैन । सिवोक–रंग्पो रेल्वे लाइन बनाउने अनुमति पाए पनि भारतीय रेल्वेलाई यो काम निकै जटिल हुनेछ ।

पाक्किममा विमानस्थल बनेपछि सिक्किम आउने आन्तरिक तथा बाह्य पर्यटकलाई निकै सहज हुने भएको छ । पहिले सिक्किमबाट १२८ किलोमिटर टाढा रहेबो बागडोगरा विमानस्थल उत्रिएर सडक मार्ग हुँदै सिक्किम जानुपर्थ्यो । सिक्किमको यो पहिलो ग्रीनफिल्ड विमानस्थल चार सय हेक्टरमा बनेको छ र सन् २०१७ मै निर्माण सम्पन्न भएको यो विमानस्थलमा परीक्षण उडानको काम पनि सम्पन्न भएको छ ।

अक्टोबर पहिलो हप्ताबाट यो विमानस्थल व्यावसायिक रुपमा सञ्चालनमा आउने बताइएको छ ।

अब पाक्किमबाट कोलकाताका लागि दैनिक उडान हुनेछ । यो विमानस्थल सिक्किमको राजधानी ग्यांगटोकबाट ३० किलोमिटरको दूरीमा रहेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्