जब संयुक्त राष्ट्रको महासभामा ट्रम्पको भाषण सुनेर हाँसाे राेकिएन...

असोज १०, २०७५ बुधबार ८:४८:२५ | उज्यालो सहकर्मी

अमेरिकी राष्ट्रपति डोनल्ड ट्रम्पले इरानले मध्य पूर्वमा ‘अराजकता, हत्या र विनाश’ को माहौल बनाएको बताए ।

न्युयोर्कमा भएको संयुक्त राष्ट्रको महासभाको ७३ औं अधिवेशनमा ट्रम्पले इरानसँग परमाणु सम्झौता रद्द गर्ने आफ्नो निर्णयको पनि बचाउ गरे । उनले भने, ‘इरानले छिमेकी देश, सीमा र सम्प्रभुताको सम्मान गर्दैन । इरानका नेताले देशको स्रोत साधनको प्रयोग आफूलाई धनी बनाउन र मध्य पूर्वमा हलचल मच्चाउनका लागि गरिरहेको छ ।’

आफ्नो प्रशासनले अमेरिकाको इतिहासमा धेरै काम गरेको पनि ट्रम्पले बताए । उनको यो कुरा सुनेर दर्शकहरु हाँस्न थाले । सबैको हाँसोपछि ट्रम्प पनि हाँसे । उनले भने, ‘मैले यस्तो प्रतिक्रियाको आशा गरेको थिइनँ ।’

ट्रम्पले फेरि दोहोर्याए ‘अमेरिका अहिलेजति बलियो, धनी र सुरक्षित कहिले पनि थिएन ।’

ट्रम्पले अरु के– के भने ?

– डोनल्ड ट्रम्पले विश्व स्वास्थ्य संगठनको तिखो आलोचना गरे ।
– उनले चीनलाई बौद्धिक सम्पदाको चोरीको आरोप लगाए । यही कारण अमेरिका र चीनबीच ‘व्यापार युद्ध’ सुरु भएको पनि बताए ।

– उनले ‘देशभक्ति’ को तारिफ गरे ।

– ट्रम्पले अवैध प्रवासीका कारण नै आपराधीको नेटवर्क बनेको र यसले स्थानीयका लागि समस्या निम्त्याएको बताए ।

– बीबीसी हिन्दीबाट

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्