चाडबाड आउँदा परदेशीलाई घरको यादले सताउँछ

भदौ २३, २०७९ बिहीबार १६:५३:२० | मेरो कथा मेरो भोगाई

रमेश क्षत्री पोखरा, हाल सिसेल्स ।

परदेशी भूमिमा हुनेलाई जति दसैँको यादले अरूलाई सायदै सताउँदो हो । दसैँ भन्ने बित्तिकै मलाई बालापनको यादले हुरुक्कै बनाउँछ । त्यो बेलाको दसैँ र अहिलेको दसैँ त आकाश जमिनको फरक जस्तो महसुस हुन्छ ।

परदेशमा छु । परदेश लागेदेखि के दसैँ के तिहार । दसैँ नमनाएको त धेरै वर्ष भइसक्यो । अब त ती दिनहरू सपनाजस्तै भयो । तर पनि जब चाडबाड आउँछ यो परदेशीलाई घरको यादले सताउँछ ।

देशमा हुँदा दसैँ नजिकिँदै गर्दा रौनक नै अर्को हुन्थ्यो । मन त्यसै फुरुङ्ग हुन्थ्यो । अष्टमीको दिनबाट नै घरमा खसी बोका काटिन्थ्यो । नवमीको दिन मन्दिर जाने पूजा गर्ने, आफ्नो भाकल र विधि के छ त्यस अनुसार पूजा हुन्थ्यो । मन्दिर परिसरमा मेला नै लाग्थ्यो । त्यो दिन सम्झँदा मात्रै पनि मन खुसी हुन्छ ।

दसैँमा परदेश गएकाहरू पनि गाउँ फर्कंन्थ्यें । कहिले को आउने हो भन्ने प्रतीक्षा हुन्थ्यो । बारिभरी कोदो फुल्थ्यो भने खेतमा धान झुलेर लहलह हुन्थ्यो । जता हे¥यो त्यतै हरियाली हुन्थ्यो । सबै गाउँले मिलेर बाटोघाटोको सरसफाइ गरिन्थ्यो ।

घर लिप्ने पोत्ने माटो लिन गइन्थ्यो । रातो माटो र सेतो कमेरोले लिपपोत गरी भित्ताहरू कति उज्याला बनाइन्थ्यो । हामी त फूलहरूको चित्र पनि कोर्दथ्र्यौं । पिङ हाल्ने चटारो हुन्थ्यो । गाउँमा पिङ हालेको दिनको खुसीयाली नै अर्कै हुन्थ्यो ।

दसैँको टिका थाप्न्न सारा गाउँ डुलिन्थ्यो । ठुलाले कति मज्जाले आशिष् दिनुहुन्थ्यो । आफ्नो गाउँघरमा हतार हतार टीका थापेर मामाघर जाने तयारी हुन्थ्यो । मामाघर पुग्दा त्यो खुसी कति रमाइलो हुन्थ्यो ।

आजकाल त परदेशमा बसेर ती दिनहरू सम्झँदा पनि मन दुख्छ । परिवार नहुँदा न दसैँ आयो जस्तो लाग्छ न त चाडबाड आयो है भन्ने खुसीयाली । फेरि एक पटक त्यही पुरानो दसैँ आए नि हुन्थ्यो झैँ लाग्छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्