सभामुख गठबन्धनकाे ‘बफादार कार्यकर्ता’ बन्दा संसद् प्रभावकारी भएन : पाेखरेल

भदौ ३१, २०७९ शुक्रबार १८:३८:३६ | उज्यालो सहकर्मी

काठमाण्डाै – प्रमुख प्रतिपक्ष दल नेकपा एमालेका वरिष्ठ उपाध्यक्ष ईश्वर पोखरेलले प्रतिनिधि सभाको पाँच वर्षे कार्यकाल प्रभावकारी नरहेको टिप्पणी गर्नुभएको छ । सभामुख अग्निप्रसाद सापकोटा कतिपय अवस्थामा सत्तारूढ गठबन्धनको बफादार कार्यकर्ताको भूमिकामा रहँदा प्रतिनिधि सभाको आफ्नो कार्यकाल प्रभावकारी हुन नसकेको उहाँको आरोप थियो ।

शुक्रवार सङ्घीय संसद् भवन परिसरमा सञ्चारकर्मीले राखेका जिज्ञासाको जवाफ दिने क्रममा वरिष्ठ उपाध्यक्ष पाेखरेलले सभालाई नेतृत्व गर्ने सभामुख सापकोटा र सरकारको भूमिका राम्रो नभएकै कारण प्रतिनिधि सभाले आफूले दिनुपर्ने 'डेलिभरी' दिन नसकेको टिप्पणी गर्नुभयाे । सभामुख सापकोटाको भूमिका प्रतिनिधि सभाको नेतृत्वको रूपमा दुःखद रहेको उहाँकाे भनाइ थियाे । उहाँले भन्नुभयो, ‘संसद्लाई प्रभावकारी बनाउने कुरामा विभिन्न किसिमका समस्याहरू देखा परे । जननिर्वाचित प्रतिनिधिमूलक संस्थाले प्रभावकारी ढङ्गले भूमिका खेल्नुपर्ने भए पनि त्याे हुन सकेन । प्रतिनिधि सभालाई नेतृत्व गर्ने पात्रहरूको भूमिका धेरै महत्त्वपूर्ण हुन्छ । अहिलेको सभामुखज्यूले वास्तवमा एउटा प्रतिनिधि सभाको नेतृत्वको गर्ने व्यक्तिको भन्दा पनि गठबन्धनको एउटा बफादार कार्यकर्ताको रूपमा भूमिका खेल्नुभयो कतिपय अवसरमा । त्यो बडो दुःखद छ । त्यस कारणले यो प्रतिनिधि सभाले जे डेलिभरी दिनुपर्थ्याे त्यो प्रभावकारी ढङ्गले दिन सकेन ।’

वरिष्ठ उपाध्यक्ष पोखरेलले सभामुख सापकोटाकै कारण सरकारले गरेको काम, कारबाहीबारे नागरिकलाई सही सूचना दिने कामसमेत प्रतिनिधि सभाबाट हुन नसकेको गुनासो गर्नुभयो । उहाँले आफ्नो पार्टीले भने सरकारमा रहँदा र प्रतिपक्षमा रहँदा पनि संसद्को भूमिकालाई सशक्त बनाउन सक्दो प्रयास गरेको दाबी गर्नुभयो ।

अन्तिम अपडेट: पुस २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सभामुख गठबन्धनकाे ‘बफादार कार्यकर्ता’ बन्दा संसद् प्रभावकारी भएन : पाेखरेल

फाइल तस्बिर

तपाईको प्रतिक्रिया