मेलम्ची–थाङपालधाप सडक निर्माणका लागि ६४ करोड बजेटको ठेक्का प्रक्रिया सुरु

असोज १४, २०७५ आइतबार १२:१३:२६ | किरण थापा

सिन्धुपाल्चोक – सिन्धुपाल्चोकको हिमाली गाँउपालिका जाने मोटर बाटोको लागि बजेट विनियोजन भएको छ । मेलम्चीदेखि थाङपालधापसम्मको १५ किलोमिटर सडकखण्डको लागि ६४ करोड बजेट विनियोजन भएको हो ।

बजेट विनियोजन भएसँगै डिभिजन सडक कार्यालय चरिकोटले बाटो निर्माणका लागि ठेक्का प्रक्रिया अगाडि बढाएको छ । बहुवर्षीय योजना अन्तर्गत मेलम्चीदेखि थाङपालधापसम्मको सडकखण्डलाई चौडा पारी स्तरोन्नति गरिने डिभिजन सडक कार्यालयले जानकारी दिएको छ ।

पाँचपोखरी क्षेत्रको मेलम्ची–भोताङ मोटरबाटो मेरुदण्ड भएकाले यो बाटोे निर्माण अत्यावश्यक स्थानीयले बताएका छन् । त्यसका साथै मेलम्ची, केउरानी , बाँसखर्क, बरुवा, याङ्री बाटोलाई परेको ४ करोड बजेटमा अझै थप गर्ने, दुवाचौर, बाँसखर्क, बरुवा बाटोलाई थप बजेट व्यवस्था गर्नुका साथै पाँचवटा पक्कीपुल र पाँचपोखरी केवलकार निर्माणका लागि पहल भइरहेको स्रोतले बताएको छ ।

वर्षाको समयमा पैदल आवतजावत गर्नसमेत मुस्किल पर्ने मेलम्ची–भोताङ सडकखण्डको स्तरोन्नति भएसँगै मेलम्ची नगरपालिकाको वडा नम्बर ९ को रामपुरदेखि खाल्डेसम्म्का स्थानीयलाई पनि सहज हुने छ । यो बाटोको स्तरोन्नती भएपछि मेलम्ची नगरपालिकाको वडा नम्बर ९ र पाँचपोखरीका करिब २० हजार स्थानीयलाई यातायातको सहज सुविधा पुग्ने अपेक्षा गरिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्