गुल्मीमा मुख्य निर्वाचन अधिकृतको कार्यालय स्थापना

असोज १६, २०७९ आइतबार २०:२२:१० | जनार्दन घिमिरे

गुल्मी – गुल्मीमा मुख्य निर्वाचन अधिकृतको कार्यालय स्थापना भएको छ । रेसुंगा नगरपालिका ८ अन्तर्गत गुल्मी जिल्ला अदालतमा आज आइतवार कार्यालय स्थापना गरिएको हो ।

मुख्य निर्वाचन अधिकृत एवम् जिल्ला न्यायाधीश वसन्तराज पौडेलले जिल्लामा रहेकाे राजनीतिक दल, प्रमुख जिल्ला अधिकारी पुण्यविक्रम पौडेल, जिल्ला निर्वाचन कार्यालय, सुरक्षा निकायका प्रमुख, नागरिक समाज, सञ्चारकर्मीलगायतको रोहबरमा कार्यालय स्थापना गरिएको जानकारी दिनुभयो ।

दुई वटा निर्वाचन क्षेत्र रहेको गुल्मीमा मुख्य निर्वाचन अधिकृतको कार्यालयले जिल्लाको क्षेत्र नं १ अन्तर्गत गुल्मी जिल्ला अदालत र क्षेत्र नं २ अन्तर्गत रेसुंगा नगरपालिका २ मा रहेकाे शिक्षा विकास तथा समन्वय इकाइमा निर्वाचन कार्यालय स्थापना गरेको हो ।

कार्यालय स्थापना गर्दै मुख्य निर्वाचन अधिकृत पौडेलले आउँदो मङ्सिर ४ गते हुने प्रतिनिधि सभा र प्रदेश सभा सदस्य चुनावलाई स्वतन्त्र, निष्पक्ष र भयरहित वातावरणमा सम्पन्न गर्न सबैको सहयोगको अपरिहार्य रहेको बताउनुभएको छ । उहाँले असोज २३ देखि २६ गतेभित्र उमेदवारको मनोनयन पत्र दर्ता गर्ने र उमेदवारलाई चुनाव चिह्न प्रदान गर्नेसम्मका निर्वाचनसम्बन्धी कार्यक्रमहरूको बारेमा पनि जानकारी दिनुभयाे ।

निर्वाचन आयोगले असोज १५ देखि २० गतेसम्म सबै जिल्लामा मुख्य निर्वाचन अधिकृत तथा निर्वाचन अधिकृतको कार्यालय स्थापना गर्न दिएको निर्देशनअनुसार गुल्मीमा पहिलो दिनमा नै दुई वटै निर्वाचन क्षेत्रमा कार्यालय स्थापना गरिएको हो । गुल्मी निर्वाचन क्षेत्र १ मा मुख्य निर्वाचन अधिकृत वसन्तराज पौडेल र २ मा शिवबहादुर थापालाई निर्वाचन अधिकृतको जिम्मेवारी दिइएकाे छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्