ट्रम्पले भने उत्तर कोरियाका नेता किम र मेरो ‘लभ' पर्‍याे

असोज १४, २०७५ आइतबार १६:२०:३५ | उज्यालो सहकर्मी

अमेरिकी राष्ट्रपति डोनाल्ड ट्रम्पले आफ्नो र उत्तर कोरियाका नेता किम जोन उनको ‘लभ’ परेको बताएका छन् ।

ट्रम्पले आफूले किम जोङ उनबाट ‘बिउटिफुल लेटर’ प्राप्त गरेको बताएका छन् । पश्चिम भर्जिनियामा रिपब्लिक पार्टीको र्यालीलाई सम्बोधन गर्दै ट्रम्पले किम जोन उनले आफूलाई सुन्दर पत्र ‘विउटिफुल लेटर’ पठाएको र आफू र किमको प्रेम ‘लभ’ परेको बताएका हुन् ।

राष्ट्रपति ट्रम्पले सोमबार संयुक्त राष्ट्रसंघको महासभामा उत्तर कोरियाका नेता किमको प्रशंसा समेत गरेका छन् । ट्रम्पले आफूले गएको बुधबार उत्तर कोरियाका नेता किमबाट असाधारण प्रकारको पत्र प्राप्त गरेको उल्लेख गरेका छन् । उनले आफू र उत्तर कोरियाका नेता किम जोन उनबीच दोस्रो सम्मेलन हुनेमा आफू पूर्ण आशावादी रहेको बताएका छन् । पत्रमा के छ भन्ने उल्लेख गरिएको छैन् ।

गएको १२ महिना पहिले ट्रम्पले संयुक्त राष्ट्रसंघबाट सम्बोधन गर्दै उत्तर कोरियालाई ‘पूर्ण ध्वस्त’ पार्ने चेतावनी दिएका थिए । उनले किमलाई ध्वस्त पार्ने चेतावनी दिँदै ‘रकेट म्यान’को संज्ञा दिएका थिए । त्यसको जवाफमा किमले ट्रम्पलाई ‘मानसिक सन्तुलन नभएको’ भन्दै आलोचना गरेका थिए ।

गएको जुनमा सिंगापुरमा सम्मेलन भएपछि किम र ट्रम्पबीचको सम्बन्ध सुधारिँदै गएको छ । उत्तर कोरियाले आणविक कार्यक्रमको अन्त्य गर्ने घोषणा गरिसकेको छ ।

गएको शनिबार उत्तर कोरियाका विदेश मन्त्री रि योङ हो ले संयुक्त राष्ट्रसंघमा बोल्दै अमेरिकाले उत्तर कोरियामा नाकाबन्दी बढाउँदै गए आणविक कार्यक्रमको अन्त्य नहुने चेतावनी दिएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्