विकास बजेटको २० प्रतिशत रोजगारी सिर्जनामा खर्च गर्ने निर्णय गर्छौं : मन्त्री विष्ट

असोज १४, २०७५ आइतबार १७:६:५९ | उज्यालो सहकर्मी

काठमाडौं – श्रम, रोजागार तथा सामाजिक सुरक्षा मन्त्री गोकर्ण विष्टले विकास बजेटको २० प्रतिशत रोजगारी सिर्जनामा खर्च गर्ने निर्णय मन्त्री परिषदबाटै पारित गराउने बताउनुभएको छ ।

मन्त्री विष्टले युवालाई रोजगरी सिर्जना गर्न सकिने वातावरणको अध्ययन गरेको समितिले देशभित्रै रोजगारीको पर्याप्त अवसर रहेको प्रतिवेदन बुझाएको भन्दै त्यसका लागि चाहिने नीतिगत निर्णय गर्ने तयारीमा रहेको बताउनुभयो ।

अदक्ष कामदारलाई सीप युक्त बनाएर मात्रै विदेश पठाउने भन्दै मन्त्री विष्टले अदक्ष कामदार नपठाउने बताउनुभयो । कार्यक्रममा सहभागी विभिन्न दलसँग आबद्ध युवा सङ्गठनका प्रतिनिधिले श्रमको सम्मान गर्ने वातावरण बनाउन सरकारलाई सुझाव दिएका छन् ।

वैदेशिक रोजगारीका कारण पछिल्लो समय देशभित्रको श्रमलाई सम्मान नगर्ने परिपाटी बढ्दै गएको भन्दै युवाहरुले श्रमको सम्मान गर्ने वातावरण बनाउन सुझाव दिएका हुन् । प्रधानमन्त्री रोजगार कार्यक्रमका विषयमा आज भएको छलफलमा युवाहरुले प्रधानमन्त्री रोजगार कार्यक्रमको कार्यान्वय चुनौतीपूर्ण रहेको भन्दै यसमा नीजि क्षेत्रलाई समेत साथमा लिएर अघि बढ्न आग्रह गरे ।

कोष स्थापना गरी रेमिट्यान्सको निश्चित प्रतिशत कोषमा जम्मा गर्न सके त्यसबाट रोजगारी सिर्जनका लागि लगानी गर्न सकिने कार्यक्रमका सहभागीहरुको भनाई थियो । जवाफमा श्रम, रोजागार तथा सामाजिक सुरक्षा मन्त्री गोकर्ण विष्टले आफू देशभित्र पाइने श्रमको सम्मान गर्ने वातावरण बनाउने लागि परेको पनि बताउनुभएको थियो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्