स्वीडिस एकेडेमी फोटोग्राफर जिन क्लाउडी बलात्कारको मुद्धामा दोषी ठहर

असोज १५, २०७५ सोमबार १६:५०:५७ | उज्यालो सहकर्मी

नोबेल पुरस्कार प्रदान गर्ने द स्वीडिस एकेडेमी फ्रान्सेली फोटोग्राफर तथा कला निर्देशक जिन क्लाउडी अर्नाउल्टलाई बलात्कारको मुद्धामा दोषी ठहर गरिएको छ ।

उनलाई अदालतले दोषी ठहर गर्दै २ वर्षको जेल सजाय सुनाएको छ । स्वीडेनको अदालतले सोमबार अर्नाउल्टलाई बलात्कारकोे दुईवटा मुद्धामध्ये एउटामा दोषी रहेको फैसला सुनाएको हो । ७२ वर्षका अर्नाउल्टलाई स्वीडेनको जिल्ला अदालतले दोषी ठहर गरेको हो ।

उनलाई ५ अक्टोबर र ६ अक्टोबर सन् २०११ को यौन हिंसामा दोषी ठहर गरिएको छ । मी टू ह्यासट्यागको कारण १८ जना महिलाले अर्नाउल्टमाथि यौन हिंसाको आरोप लगाएका थिए । एकेडेमीमा त्यस्तो आरोप लागेकै कारण यस वर्षको साहित्यतर्फको नोबेल पुरस्कार स्थागित भएको छ ।

अर्नाउल्टका वकील बिजोर्न हर्टिङले तत्कालै केही भनेका छैनन् तर अर्नाउल्टले आफूविरुद्ध लगाइएका आरोप स्वीकार नगरेको उनले बताएका छन् । अर्नाउल्टले स्वीडिस एकेडेमीकै एकजना महिला क्याटरिना फ्रोस्टेनसनसँग विवाह गरेका छन् । उनलाई पनि भष्ट्राचारको मुद्धा लगाइएको छ ।

अर्नाउल्टले साहित्यतर्फको पुरस्कार कसले जितेको छ भन्ने सूचना मिडियामा चुहाएको एकेडेमीका सदस्यले आरोप लगाएका छन् । यो काण्ड भएपछि स्वीडिस एकेडेमी स्थापना भएदेखि अहिलेसम्मकै नराम्रो संकटमा परेको बताइएको छ ।

त्यसै कारण सन् २०१८ को साहित्यतर्फको नोबेल पुरस्कार नदिइने एकेडेमीले जनाएको छ । एकेडेमीले सबैको विश्वास गुम्ने डरले यस वर्षको साहित्यतर्फको पुरस्कार स्थगित गर्ने जनाएको हो । ६ दशक पछि साहित्यतर्फको नोबेल पुरस्कार स्थागित भएको हो ।

गएको मे महिनामा अर्नाउल्टकी श्रीमती कवि तथा क्याटरिना फ्रोस्टेनसनलाई स्वीडिस एकेडेमीको १८ सदस्यीय कमिटिबाट हटाउने–नहटाउने भन्ने सम्बन्धमा मतदान भएको थियो र नहटाउने पक्षमा बढी मत खसेको थियो ।

त्यसपछि कमिटिका सात जनाले राजीनामा दिएका थिए । राजीनामा दिनेमा क्याटरिना पनि थिइन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्