कोप २७ मा जलवायु क्षतिमा आधारित महत्त्वपूर्ण सम्झौता

मंसिर ४, २०७९ आइतबार १४:४५:५५ | एजेन्सी

संयुक्त राष्ट्र सङ्घीय जलवायु परिवर्तनसम्बन्धी सम्मेलनको २७ औँ सत्र 'कोप २७' मा सहभागी झन्डै दुई सय देशले जलवायु परिवर्तनको नकारात्मक परिणामबाट सबैभन्दा धेरै क्षति बेहोरेका देशहरूलाई रकम उपलब्ध गराउन एउटा कोष स्थापना गर्न सहमति जनाएका छन् ।

इजिप्टमा भइरहेको सम्मेलनमा हिजाे शनिवार राति भएको छलफलमा सहमति जुटेको बीबीसीले जनाएको छ । नोक्सानी तथा क्षतिको मुख्य मुद्दामा आधारित रहेर सहमति गरिएको हो । धेरै देशहरूले वर्षाैँदेखि त्यस्तो सम्झौताको माग गर्दै आएका थिए ।

संयुक्त राष्ट्र सङ्घका महासचिव एन्टोनियो गुटेरशले यस सम्झौतालाई अति आवश्यक राजनीतिक सङ्केत रहेको बताउनुभएको छ । तर यो सम्झौता पर्याप्त नभएको उहाँले बताउनुभएको छ ।

आजै कोप –२७ समापनको घोषणा हुनेछ । कोप–२७ अध्यक्ष इजिप्टका राष्ट्रपतिले अर्को सम्मेलन आयोजना गर्ने मुलुक संयुक्त अरब इमिरेट्सलाई अध्यक्षता हन्तान्तरण गर्नुहुनेछ ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्