नेपाल वायुसेवाले फेरि सुरु गर्‍याे भोजपुरमा हवाई सेवा

असोज १८, २०७५ बिहीबार १४:३:३६ | बुद्ध तामाङ

भोजपुर – दुई महिनादेखि अवरुद्ध भएको नेपाल वायु सेवा निगमको उडान सेवा बिहीबारदेखि पुनः सञ्चालनमा आएको छ । जहाजलाई साउन १८ गतेदेखि मर्मत तथा व्यवस्थापन गर्नुपर्ने भन्दै निगमले हवाई सेवा बन्द गरेको थियो ।

निगमले ८ जेठदेखि बन्द गरेको उडान सेवा गएको असार २२ गतेदेखि जहाजको उडानको भाडादर एक हजार तीन सय ५० रुपैयाँको दरले बढाएर काठमाडाै‌ं भोजपुरको भाडा पाँच हजार एक सय ३० पुर्‍याएर उडान सेवा सञ्चालनमा ल्याएको वायु सेवा निगम भोजपुरमा कार्यरत राजुकुमार मिजारले जानकारी दिनुभयो । । तर, निगमले भाडादर बढाएर सेवा पुनः सञ्चालनमा ल्याएको एक महिना नबित्दै फेरि जहाज उडान सेवा १८ साउनदेखि बन्द गरेको थियो ।

यसरी नै पटक–पटक निगमले बन्द गरेको भोजपुर–काठमाडौं र भोजपुर–विराटनगर दुवै उडान सेवा पुनः निगमले बिहीबारदेखि सञ्चालनमा ल्याइएको वायु सेवा निगम भोजपुरका प्रमुख दिनेश सुन्दासले बताउनुभयो ।

यता, पटक–पटक जहाजले उडान नभर्दा भोजपुरका अस्पातालबाट थप उपचारको लागि अन्यन्त्र रिफर गरेका बिरामी, वृद्धवृद्धा, साथै महत्वपूर्ण काम लिएर भोजपुर–काठमाण्डौ र भोजपुर–विराटनगर जानुपर्ने बाध्यता भएका नागरिक मारमा परेका थिए ।

निगमको भोजपुर–काठमाडाै‌ साताको आइतबार र सोमबारबाहेक हप्ताको पाँच दिन र भोजपुर विराटनगर हप्ताको एक दिन उडान भर्ने वायु निगम सेवा भोजपुरका प्रमुख सुन्दासले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाल वायुसेवाले फेरि सुरु गर्‍याे भोजपुरमा हवाई सेवा

फाइल तस्बिर

तपाईको प्रतिक्रिया