जीप दुर्घटना : तीनजनाको मृत्यु, दुईजनाको अवस्था चिन्ताजनक (अपडेट)

जेठ २४, २०७५ बिहीबार ९:३:२५ | डीबी बिष्ट

बझाङ – बुधबार भएको जीप दुर्घटनामा थप एकको ज्यान गएको छ । जीपका चालक केदार स्युँ गाँउपालिका १ का ३५ वर्षीया लालबहादुर भण्डारीको मृत्यु भएको जिल्ला प्रहरी कार्यालयले जनाएको छ ।

यसअघि दुर्घटनामा छविसपाथीेभरा गााउँपालिका–४ डाँडाँगाँउका ४५ वर्षीय विरेन्द्रबहादुर सिंह र उनकी श्रीमती ३८ बर्षिया जलादेवी सिंह को घटना स्थलमै ज्यान गएको थियो ।

चालक भण्डारीको उपचारका लागि अस्पताल लैजाँदै गर्दा बाटोमा ज्यान गएको हो । यस्तै दुर्घटनामा घाइते भएका अन्य दुईजनाको अवस्था चिन्ताजनक छ । छविसपाथिभरा गाँउपालिका वडा नं ५ का ४५ वर्षीय सोभान धामी र वडा नं ३ का ३१ बर्षिय गणेश नेपालीको अवस्था चिन्ताजनक रहेको जिल्ला प्रहरी कार्यालयले जनाएको । उनीहरुलाई थप उपचारका लागि नेपालगञ्ज कोहलपुर अस्पातलमा पठाइएको छ ।

यस्तै दुर्घटनामा मृतक विरेन्द्र सिंहका २ वर्षीय छोरा भुपेन्द्र सिंह, छविसपाथीभेरा वडा नं ३ की २७ वर्षीय पशुपति नेपाली र गणेश नेपालीकी ७ महिनाकी छोेरी मुस्कान नेपाली घाइते भएका छन् ।

बुधबार बेलुका भाँडे बजारबाट ब्यासीतर्फ जाँदै गरेको से १ ज ८३७ नम्बरको जीप छविस पाथीभेरा गाँउपालिका वडा नं ४ को भेटाखानमा दुर्घटना भएको थियोे ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्