वैदेशिक रोजगारीमा पोर्चुगल र अमेरिका पठाइदने भन्दै लाखौँ रुपैयाँ ठगी गर्ने दुई जना पक्राउ

मंसिर १२, २०७९ सोमबार १७:२६:१७ | उज्यालो सहकर्मी

काठमाण्डौ – वैदेशिक रोजगारीमा पोर्चुगल र अमेरिका पठाइदने भन्दै लाखौँ रुपैयाँ ठगी गर्ने दुई जनालाई प्रहरीले पक्राउ गरेको छ ।

आकर्षक रोजगारीको प्रलोभन देखाएर पोर्चुगल पठाइदिने भन्दै विभिन्न व्यक्तिबाट २१ लाख रुपैयाँ लिएर सम्पर्कविहीन बनेकी सर्लाहीकी ३० वर्षीया धनकुमारी ओलीलाई प्रहरीले पक्राउ गरेको छ । उनलाई ललितपुर सातदोबाटोबाट हिजो पक्राउ गरेको हो । उनले होटलमा महिनाको एकदेखि डेढ लाख रुपैयाँ कमाइ हुने भन्दै ठगी गरेको प्रहरीले जनाएको छ ।

यस्तै रोजगारीकै लागि अमेरिका पठाउने भन्दै १४ लाख ७ हजार रुपैयाँ लिएर सम्पर्कविहीन बनेका रामेछाप घर भइ ललितपुर बस्दै आएका ३४ वर्षीय योगेशराज श्रेष्ठलाई पनि प्रहरीले पक्राउ गरेको छ । उनले अमेरिका जान २५ लाख रुपैयाँ लाग्ने र त्यहाँ पुगेपछि प्रतिष्ठित कम्पनीमा काम लगाइदिने भन्दै लाखाैँ रुपैयाँ लिएर फरार भएको प्रहरीले जनाएको छ ।

यी दुवै जनाको विरुद्ध वैदेशिक रोजगार विभागमा ठगीको उजुरी परेपछि विभागले पक्राउ गर्नको लागि काठमाण्डौ उपत्यका अपराध अनुसन्धान कार्यालयलाई पत्राचार गरेको हो ।

पछिल्लो समय वैदेशिक रोजगारीको लागि पोर्चुगल लगायत युरोपेली देश र अमेरिकामा पठाइदिने भन्दै ठगी गर्ने क्रम बढेको छ । यसरी कसैको प्रलोभन र विश्वासमा परेर पैसा नदिन विभागले पटक पटक आग्रह गर्दै आएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्