कहाँ बाढी आउँदैछ भन्ने जानकारी तीन दिनअघि नै थाहा हुने

जेठ २४, २०७५ बिहीबार १०:१:१९ | उज्यालो सहकर्मी

काठमाडौं – यस वर्ष नदी र खोलानालामा बाढी आउने जानकारी तीन दिनअघि नै थाहा हुने भएको छ । गएको वर्षहरुमा २४ घण्टासम्म कुन ठाउँमा बाढी जान्छ भन्नेबारेमा जानकारी दिने गरेकोमा यो वर्ष तीन दिनअघि नै बाढीको पूर्वानुमान गर्ने तयारी भएको बाढी पूर्वानुमान शाखाका बाढीविज्ञ विनोद पराजुलीले जानकारी दिनुभयो ।

उहाँका अनुसार जल तथा मौसम पूर्वानुमान महाशाखाले मनसुन सुरु भएको घोषणा गर्नेबित्तिकै चौबीसै घण्टा कार्यालय खोलेर कुन ठाउँमा बाढी जाने सम्भावना छ भन्ने बारेमा जानकारी दिने शाखाको तयारी छ । शाखाको पैसा नलाग्ने नम्बर ११५५ मा फोन गरेर पनि बाढीको अवस्थाबारे थाहा पाउन सकिनेछ । यस्तै सामाजिक संजाल फेसबुक र ट्वीटर प्रयोगकर्ताले पनि बाढीको सम्भावनाबारे थाहा पाउन सक्नेछन् ।

स्थानीय तहमा जनप्रतिनिधि आइसकेकाले पनि यो वर्ष उनीहरुसँग सहकार्य गरेर अघि बढ्ने शाखाको तयारी रहेको पराजुलीले बताउनुभयो । जल तथा मौसम पूर्वानुमान महाशाखाले आउँदो हप्ता नेपालमा मनसुन सुरु हुने अनुमान गरेका छन् ।

सामान्यतया नेपालमा जुन १० तारिखमा मनसुन भित्रने गर्छ । अहिले प्रिमनसुनी गतिविधि सक्रिय भएकाले यो वर्ष जुन १० मा नै मनसुन सुरु हुने मौसमविद्को अनुमान छ । जसअनुसार अबको ३ दिनमा मनसुन सुरु हुने सम्भावना रहेको मौसमविद्ले बताएका छन् ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्