गुणस्तरीय अलैँची उत्पादन गर्न किसानलाई सुधारिएको अलैँची भट्टी

जेठ २४, २०७५ बिहीबार १०:५०:४४ | श्यामशितल परियार

लमजुङ – लमजुङका किसानलाई सुधारिएको अलैँची भट्टी अनुदानमा वितरण गरिएको छ । प्रधानमन्त्री कृषि आधुनिकिकरण परियोजनाको अलैँची जोन कार्यक्रमअन्र्गत जिल्लाका व्यावसायिक अलैँची उत्पादक किसान एवम् कृषक समुहलाई ८५ प्रतिशत अनुदानमा सुधारिएको अलैँची भट्टी वितरण गरिएको हो ।

अलैँची जोन कार्यक्रम अन्तर्गत जिल्लाका विभिन्न व्यक्ति तथा कृषक समूहलाई गरी १५ वटा सुधारिएको अलैँची भट्टी वितरण गरिएको अलैँची जोन कार्यक्रम लमजुङका प्रमुख एवम् वरिष्ठ कृषि अधिकृत गोविन्दराज कोइरालाले जानकारी दिनुभयो ।

‘अलैँची उत्पादक किसान एवम् कृषक समूहलाई ८५ प्रतिशत अनुदानमा आधुनिक सुधारिएको अलैँची भट्टी वितरण गरेका छौँ, बाँकी १५ प्रतिशत रकम उहाँहरु आफैले खर्चेर भट्टी घर निर्माण गर्नुहुनेछ,’ कोइरालाले भन्नुभयो ।

उहाँका अनुसार गुणस्तरीय अलैँची उत्पादन गर्ने हेतुले किसान तथा कृषक समूहलाई सुधारिएको अलैँची भट्टी वितरण गरिएको हो ।

जिल्लामा अलैँची उत्पादनका लागि पकेट क्षेत्र मानिएका २९ वडामा प्रधानमन्त्री कृषि परियोजना अन्तर्गत अलैँची जोन कार्यक्रम सञ्चालन भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्