इलामको पूर्वी भारतीय सीमा क्षेत्रमा सशस्त्रको ‘बीओपी’ क्याम्प बस्ने

असोज २२, २०७५ सोमबार १४:३१:२७ | सुजता सुनुवार

इलाम – सीमा सुरक्षाका लागि इलामको पूर्वी भारतीय सीमा क्षेत्रमा सशस्त्रको बीओपी क्याम्प बस्ने भएको छ ।

सीमा क्षेत्रको सुरक्षा, अपराधिक गतिविधि नियन्त्रण र शान्ति सुरक्षा कायम गर्ने उदेश्यले इलामका चार स्थानमा बोर्डर ‘अब्जरभेसन पोष्ट’ (बीओपी) राख्ने माग गरिएको थियो । चारमध्ये एक स्थानको मागलाई मन्त्रिपरिषद्को निणर्यबाट पारित गरिएसँगै बीओपी क्याम्प बस्ने भएको हो ।

इलामका छब्बिसे, पशुपतिनगर, मानेभञ्ज्याङ र सन्दकपुरमा सशस्त्रको बीओपी क्याम्पको माग गरिएको जिल्ला सुरक्षा समिति इलामले जनाएको छ । सरकारको नीति अनुरुप तत्काल इलामका ४ स्थानमध्ये पशुपतिनगरमा ‘बोर्डर अब्जरभेसन पोष्ट’ (बीओपी) रहने छ । यसका लागि सशस्त्र प्रहरी निरीक्षकको कमाण्डमा ३५ जनाको टोली बस्नेछन् । सुरक्षालाई थप मजबुद बनाउन अन्य स्थानमा पनि पुनः सुरक्षा संयन्त्र माग गरिने बताइएको छ ।

सीमा क्षेत्र बोर्डर लाइनबाट ५ सय मिटरको दूरीमा पोष्ट राखेपछि सीमा सुरक्षा, शान्ति सुरक्षा, सीमा क्षेत्रमा हुने अतिक्रमण लगायतमा सुधार हुने नवनिर्मित प्रदेश नम्बर १ इलाम गणका सशस्त्र प्रहरी उपरीक्षक बिदुर खड्काले बताउनुभयो । उहाँले भन्नुभयो, ‘इलाममा सबै प्रस्तावित बीओपी निर्माण भएमा १३–१३ किलोमिटरको दरमा क्याम्प निर्माण हुनेछ ।’

पूर्वी पहाडी जिल्लाको सीमा सुरक्षालाई ध्यान दिँदै छिमेकी जिल्लाहरु पाँचथर र ताप्लेजुङ्गमा समेत पोष्ट स्थापना हुनेछन् । पाँचथरमा प्राङवुङ, चिवाभञ्ज्याङ र तोप्लेजुङको ओलाङचुङगोलामा पोष्ट स्थापना हुनेछन् ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्