नेपाली सेनाका गजेन्द्र राई बने एघारौं 'म्यान अफ द गोरखा'

पुष २७, २०७९ बुधबार १२:४:५० | किरण लोहनी

गाेरखा – नेपाली सेनाका गजेन्द्र राई यो वर्षको 'म्यान अफ द गोरखा' बन्नुभएको छ । एघारौं गोरखा महोत्सवका क्रममा भएको दौड प्रतियोगितामा पहिलो हुनुभएका त्रिभुवन आर्मी क्लबका राईले ३० हजार रुपैयाँ पुरस्कारसहित म्यान अफ द गोरखा उपाधि जित्नुभएको छ ।

द्रव्य शाहले राज्याभिषेक गरेको ऐतिहासिक पस्लाङ चौताराबाट गोरखा दरबारसम्म भएको ८ किलोमिटर दूरी राईले ३० मिनेट ७ सेकेण्डमा दौडनुभएको थियो । उपाधी विजेता राईलाई ऐतिहासिक पोशाकसहित गोरखा बजार परिक्रमा गराइएको थियो । यस्तै उहाँलाई जिल्ला समन्वय समिति गोरखाका प्रमुख मोहनबहादुर थापाले पगरी लगाई सम्मान पनि गर्नुभयो ।

यस्तै नेपाली सेनाकै मोहनदेव जोशीले ३० मिनेट ५७ सेकेण्डमा पूरा गरेर दोस्रो हुँदै २० हजार रुपैयाँ पुरस्कार प्राप्त गर्नुभयो । दौडमा तेस्रो स्थान पनि नेपाली सेनाकै टंक कार्कीले प्राप्त गर्नुभयो । कार्कीले निर्धारित दूरी ३१ मिनेट १४ सेकेण्डमा पार गर्दै १० हजार रुपैयाँ पुरस्कार प्राप्त गर्नुभयो । चौंथो हुनुभएका राजेन्द्र तामाङले ५ हजार रुपैयाँ पुरस्कार प्राप्त गर्नुभयो ।

दौड प्रतियोगितामा १६ जनाको सहभागिता रहेको प्रतियोगिताका संयोजक चन्दनबाबु खत्रीले बताउनुभयो । गोरखा उद्योग वाणिज्य संघले गोरखा महोत्सवका क्रममा हरेक पटक म्यान अफ द गोरखा दौड प्रतियोगिता गर्दै आएको छ । पृथ्वी जयन्तीको अवसर पारेर गोरखा उद्योग वाणिज्य संघले एघारौं गोरखा महोत्सव गरेको हो । महोत्सवको प्रधानमन्त्री पुष्पकमल दाहाल प्रचण्डले उद्घाटन गर्नुहुनेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्