खुम्बु क्षेत्रमा चिसोले पाइपमै जम्यो पानी, पिउने पानीको आपूर्तिमा समस्या

माघ ८, २०७९ आइतबार ८:३०:३९ | सुवास दर्नाल

साेलुखुम्बु - सोलुखुम्बुको खुम्बु क्षेत्रमा पिउने पानी आपूर्तिमा समस्या भएको छ । अत्यधिक चिसोका कारण पाइपमै पानी जम्दा सगरमाथा क्षेत्रमा पिउने पानी आपूर्ति प्रभावित भएको हो ।

दिउँसो घाम लागेको समयमा समेत जमेको पानी नपग्लिँदा खुम्बुको विभिन्न ठाउँमा खानेपानी आपूर्ति बन्द भएको स्थानीय बासिन्दा दामु शेर्पाले बताउनुभयो । उहाँका अनुसार खुम्बुमा यतिखेर खाने तेलदेखि घरभित्र भरेको पानी समेत जमेर ढिक्का जस्तै बन्ने गरेको छ ।

चिसो बढेसँगै यो क्षेत्रको तापक्रम समेत घटेर माइनस १० डिग्री सेल्सियससम्म झर्ने गरेको सगरमाथा राष्ट्रिय निकुञ्जको कार्यालय नाम्चेका प्रमुख संरक्षण अधिकृत भूमिराज उपाध्यायले जानकारी दिनुभयो। अहिले सदरमुकाम सल्लेरीसहितका क्षेत्रमा समेत बिहानको समयमा पानी आपूर्ति प्रभावित भइरहेको छ । धारा तथा पाइपको पानी जम्दा दैनिकी कष्टकर बनेको स्थानीय बासिन्दाले बताएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्