‘ब्लड फर रोल्पा’ अभियान सञ्चालन, माेबाइल एप्लिकेशन पनि जारी

असोज २५, २०७५ बिहीबार १५:४:३८ | माधवकुमार ओली

असोज – ब्लड बैंकको अभावमा बिरामीको ज्यान जोखिममा पर्न थालेपछि रोल्पामा ‘ब्लड फर रोल्पा’ अभियान सञ्चालन गरिएको छ ।

जिल्लाका केही सक्रिय युवाहरुको समूहले थालेको अभियान अन्तरगत ‘ब्लड फर रोल्पा’ नामक मोबाइल एप्लिकेशनको सुरुवात गरिएको हो ।
त्यस मोबाइल एप्लिकेशनको रोल्पा नगरपालिकाका प्रमुख पूर्ण केसीले उद्घाटन गर्नुभयो ।

मोबाइल एप्लिकेशनको उद्घाटन गर्दै नगर प्रमुख केसीले युवाहरुले गरेको यो कार्य उदाहरणीय रहेको उल्लेख गर्नुभयो । ‘कतिपय युवाहरु चुल्ठा, मुन्द्रा लगाएर उल्टै समाजको बोझ भइरहेको सन्दर्भमा यो काम उदाहरणीय छ’ प्रमुख केसीले भन्नुभयो ।

यो मोबाइल एप्लिकेशनमा रक्तदाताको विवरण, नयाँ दर्ता, न्यूज ब्लक, महत्वपूर्ण फोन नम्बर र जिल्लाका एम्बुलेन्सको फोन नम्बर राखिएको विवरण हेर्न सकिने डिजाइनर भरत डाँगीले बताउनुभयो ।

अभियान मार्फत अहिलेसम्म ६ जनाले रक्तदान गरेका छन् । यसअघि अस्पतालकै स्वास्थ्यकर्मी र नेपाली सेनासँग सहयोग माग्दै आएकोमा अब त्यो समस्या हट्ने जिल्ला अस्पताल रोल्पाका निमित्त प्रमुख डा. प्रकाशबहादुर बुढाले बताउनुभयो ।

विशेष गरी महिलाहरुको प्रसूतिअघि रगत व्यवस्थापन गर्नुपर्ने अवस्थामा यो एप्लिकेशनले महत्वपूर्ण सहयोग पु¥याउने अपेक्षा गरिएको अभियानका अभियन्ता विनोद डाँगीले बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्