म्यानमारमा सूचना प्रविधिको क्षेत्रमा भनेर रोजगारीका लागि गएका नेपालीहरू समस्यामा

माघ २६, २०७९ बिहीबार १५:४८:१० | उज्यालो सहकर्मी

काठमाण्डौ – रोजगारीका लागि म्यानमार पुगेका नेपालीहरू समस्यामा पर्ने क्रम बढेको छ ।

त्यहाँको सूचना प्रविधिको क्षेत्रमा आकर्षक तलब र सुविधा हुनेभन्दै लाखौँ रुपैयाँ तिरेर आएका नेपालीहरूलाई कम्पनीहरूले बन्दी बनाएर जबरजस्ती काममा लगाउने क्रम बढेको त्यहाँ रहेको नेपाली दूतावासले जनाएको छ ।

दूतावासका अनुसार नेपालबाट र दुबईमा काम गर्दै आएका कतिपय नेपालीलाई थाइल्यान्ड र म्यानमारमा सूचना प्रविधि क्षेत्रमा डिजिटल सेल्स एण्ड मार्केटिङ एक्जुकेटिभ्सको रूपमा आकर्षक तलब र सेवा सुविधाको प्रलोभन देखाइ म्यानमारको कायिन प्रान्तको म्यावडीमा लगेर जबरजस्ती अवैध कार्यहरूमा लगाइएको पाइएको छ ।

अनलाइन जुवा, फ्रड कल सेन्टर, क्रिप्टो करेन्सी ठगी आदीमा संलग्न शङ्कास्पद आइटी फर्महरूले बैंककमा रोजगारीको अवसर देखाइ गैरकानुनी रूपमा नेपालीहरूलाई बैंकक हुँदै म्यानमार तथा कतिपयलाई सोझैँ म्यानमार लगेर बन्दी बनाई काममा लगाएका छन् ।

राहदानी खोसिदिने, १२ देखि १३ घण्टासम्म काममा लगाउने, तलब नदिने गरेको भन्दै म्यानमारमा फसेका नेपालीहरूले उद्धारका लागि दूतावासमा सम्पर्क गरिरहेका छन् ।

म्यानमार र थाइल्यान्डमा पाइने यस्ता खालको विज्ञापनहरू प्रायः सामाजिक सञ्जाल र विभिन्न स्थानमा रहेको एजेण्टहरुले फैलाउने गरेको दूतावासको ठहर छ । त्यसैले कसैले म्यानमार वा थाइल्यान्डमा सूचना प्रविधिको क्षेत्रमा रोजगारीको प्रलोभन देखाएमा त्यस्ता प्रलोभनमा नपर्न समेत दूतावासले अनुरोध गरेको छ ।

पर्यटक भिसामा रोजगारीका लागि यात्रा नगर्न, कुनै पनि देशमा रोजगारीका लागि जाने निर्णय गर्नुअघि भनिएको काम बारेमा विदेशस्थित नेपाली दूतावास सम्पर्क गरेर भए पनि कम्पनी बारे बुझ्न दूतावासले भनेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्