सन्दुक रुइत जन्म गाउँकाे आँखा शिविरमा, ७० जनाकाे आँखाकाे ज्याेति फर्कियाे

फागुन २१, २०७९ आइतबार १८:३५:५७ | केशवप्रसाद भट्टराई

ताप्लेजुङ – ताप्लेजुङको फक्ताङलुङ गाउँपालिकाको दुर्गम बस्ती ओलाङचुङगोला र घुन्सामा निःशुल्क आँखा शिविर सम्पन्न भएको छ ।

गाउँपालिका र तिलगङ्गा आँखा प्रतिष्ठानको संयुक्त आयोजनामा भएको नौ दिने शिविरमा नौ सय ३५ जनाको आँखा परीक्षण गरेको गाउँपालिकाले जनाएको छ । परीक्षण गरिएकामध्ये ७० जनाको मोतियाबिन्दुको शल्यक्रिया गरेको गाउँपालिकाका अध्यक्ष राजन लिम्बुले बताउनुभयो । पाँच वर्षका बालकदेखि ८८ वर्षका वृद्धसमेत गरी ९७ जनामा मोतियाबिन्दु भेटिएकोमा ७० जनाको शल्यक्रिया गरिएको उहाँले बताउनुभयो ।

बहराइन सरकारको इसा अवार्डबाट सम्मानित वरिष्ठ आँखा रोग विशेषज्ञ डाक्टर सन्दुक रुइतकाे नेतृत्वमा खटिएकाे टाेलीले दुर्गम बस्तीमा आँखाकाे शल्यक्रिया गरेकाे हाे । अत्यन्तै विकट बस्ती रहेको ओलाङचुङगोला वरिष्ठ आँखा रोग विशेषज्ञ डा. रुइतको जन्मगाउँ समेत हो । डा. रुइतले आफ्नो जन्मभूमिमा आएर बिरामीहरूको सेवा गर्न पाउँदा खुसी लागेको बताउनुभयो ।

डा. रुइतसँग नेपालसहित विश्वका विभिन्न देशमा पुगेर एक लाख ८० हजार जनाभन्दा बढी आँखाका रोगीको शल्यक्रिया तथा उपचार गरेको अनुभव छ । उहाँले आँखाकाे उपचारमा पुर्‍याएकाे याेगदानबापत राष्ट्रिय तथा अन्तर्राष्ट्रिय गरी थुप्रै पुरस्कार प्राप्त गरिसक्नुभएकाे छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्