२ वर्षकाे मनमुटावपछि करण जोहरको फिल्ममा अजय देवगण

जेठ २५, २०७५ शुक्रबार १५:१५:२३ | उज्यालो सहकर्मी

बलिउड फिल्म निर्देशक रोहित शेट्टी र करण जोहर यतिबेला एकसाथ सिम्बा’ नामको फिल्म निर्माणमा लागेका छन् ।

यसमा अभिनेता रणवीर सिंह र सैफ अली खानकी छोरी सारा अली खान मुख्य भूमिकामा रहेका छन् । हालै भारतको हैदराबादबाट फिल्मको छायाँकंन सुरु गरिएको यो फिल्म एक्सन तथा दमदार सम्वादले भरपूर हुनेछ । फिल्म मार्फत रणवीर सिंह दबंगमा सलमानले झैं दर्शकहरुलाई मनोरञ्जन गराउने आशा गरिएको छ ।

फिल्ममा अभिनेता रणवीर सिंह एक प्रहरी अधिकारीको भूमिकामा देखा पर्दैछन् । सारा अली खान भने रणवीर सिंहकाे जोडीको रुपमा रहनेछिन् ।

रोहित शेट्टी यस फिल्मको क्लाइमेक्समा अभिनेता अजय देवगण र रणवीर सिंहलाई एक साथ पर्दामा ल्याउन चाहन्थे । तर फिल्म रोहितमात्रै नभइ करण जोहरले पनि निर्माण गरिरहेका कारण उनको यो इच्छा पूरा हुन त्यति सजिलो भने थिएन ।

रोहितसँग राम्रो सम्बन्ध भए पनि अजय र करणबीचको सम्बन्ध केही समय अघिदेखि बिग्रिएको थियो ।

तर अहिले फिल्म ‘सिम्बा’ मा विशेष केमीयोका लागि अजयलाइ रोहितले मनाइसकेको खबर आएको छ । राेहितका साथमा अजयले धेरै फिल्महरुमा काम गरिसकेकाले पनि अजयले यस अनुरोधलाई नकार्न सकेनन् ।

के थियोे मनमुटावको कारण ?

करण जोहर र अजय देवगणबीच सन् २०१६ मा फिल्म ‘शिवाय’ र ‘ए दिल हे मुश्कील’ को प्रदर्शन मिति जुधेकाले दुश्मनी भएको थियो । त्यसबेला करण र अजयबीच विवाद निक्कै भएको चुलिएको थियो ।

यसका कारण करणकी अत्यन्तै मिल्ने साथी तथा अजयकी श्रीमती अभिनेत्री काजोल र करणबीच पनि बोलचाल बन्द भएको थियो । करणले उनको आत्मकथामा काजोलसँगको मित्रता अब बाँकी नरहेको कुरा समेत लेखेका थिए ।

यदी फिल्म ‘सिम्बा’ मा रोहित शेट्टी संलग्न नभएको भए सायद अजयले करण जोहरको फिल्ममा काम गर्ने थिएनन् । तर रोहितका साथ फिल्म ‘सिंघम’, ‘गोलमाल’ का थुप्रै श्रृंखला र ‘बोलबच्चन’ जस्ता सुपरहिट फिल्ममा काम गरिसकेका अजयले रोहितकै अनुरोधमा करण जोहरसँगको दुश्मनी बिर्सिएर ‘सिम्बा’ मा काम गर्न लागेका हुन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्