नयाँ बसपार्कबाट मात्र गाडी सञ्चालन गर्न र बसपार्क बाहिरका टिकट काउन्टर हटाउन काठमाण्डौ महानगरको निर्देशन

 जेठ १९, २०८० शुक्रबार ८:३४:४३ | उज्यालो सहकर्मी
unn.prixa.net

काठमाण्डाै - काठमाण्डौ महानगरपालिकाले नयाँ बसपार्क बाहिरका सबै टिकट काउन्टर हटाउन र नयाँ बसपार्कबाट मात्र यात्रुवाहक गाडी चलाउन निर्देशन दिएको छ ।

महानगरले आज सार्वजनिक सूचना निकालेर आउँदो असार १ गतेदेखि नयाँ बसपार्कबाहिरका सबै टिकट काउन्टर हटाउन र नयाँ बसपार्कबाट मात्र यात्रुवाहक गाडी सञ्चालन गर्न भनेको हो ।

महानगर क्षेत्रबाट काठमाण्डौ उपत्यका बाहिर चल्ने लामो, मध्यम तथा छोटो दूरीका सार्वजनिक गाडी नयाँ बसपार्कबाट मात्र छुट्ने गरी यसअघि भएको सहमतिको पालना गर्न महानगरपालिकाले जोड दिएको छ।

यस्तै, अनधिकृत ठाउँमा पार्किङ गर्ने, टिकट बुकिङका लागि काउन्टर राख्ने, जथाभाबी यात्रु चढाउने तथा ओराल्ने काम नरोकिएको भन्दै महानगरले यस अघिको सहमति पालना गर्न पनि भनेको छ । त्यसैगरी, महानगरले धुलीखेल,  बनेपा,  साँखुसम्मको  सडक  इजाजत  पत्र  लिएका  लामो  दूरीका गाडीलाई कलङ्कीदेखि जडीबुटीसम्म रोक्न निषेध गरेको छ ।

सहमति र सार्वजनिक सूचनाको बेवास्ता गरे आउँदो असार १ गतेदेखि ट्राफिक प्रहरीसँग समन्वय गरी कानुनी कारबाही गरिने महानगरपालिकाले चेतावनी दिएको छ ।

अन्तिम अपडेट: माघ ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • कुमार मोहरा

    June 4, 2023, 8:40 p.m.

    यो निर्णयले सबै यात्री ठगीं हुन बाट बच्ने छ, सड़कजाम मुक्त हुने , फोहोर मैला कम हुने व्यापारी बाट ठगीं नहूने धेरै फाईदा छ जस्तों लग्यो। पकेट एरियामा भए दलाल बाट नि बच्ने देखी जन धनको नि सुरक़क्ष हुने लाग्यो, थोरै समय कठिन भएको महसूस हुनसक्छ तर भविष्यमा धेरै राम्रो होला भन्ने लाग्यो

  •  0 Reply

  • Aditya Ghimire

    June 4, 2023, 6:25 p.m.

    राम्रो काम सुरुवात बलेन जि बधाइ छ

  •  0 Reply

  • Khem Raj Acharya

    June 2, 2023, 9:02 a.m.

    राम्रो कार्य तर अलि ब्यबहारिक भयनकि। पुर्बी नेपाल बाट बि पि राज मार्ग हुँदै जडिबुटी ओर्लनु पर्ने मान्छे नयाँ बस पार्क जादा वा थानकोट हुँदै आयको मान्छे किर्तिपुर तिर जानू पर्ने बसपार्क पुग्दा त समय तथा पैसा दुबै को हानी होला कि? टिकट काउन्टर र मुख्य बस पार्क नयाँ बसपार्क राखे पनि गाडी हरुले नकुरी सवारी चढाउने तथा वराल्ने चाहिँ अलि खुला ठाउँ भयका नजिक का पाएक पर्ने स्थान हरु मा पनि राख्दा राम्रो होला कि। जस्तै कलन्की बाफल/ खसिबजार, कोटेश्वर पारी / जडिबुटी खुला स्थान..... आदि ।

  •  0 Reply

तपाईको प्रतिक्रिया

समाचार

लोकप्रिय

१

नयाँ मौसमी प्रणाली भित्रिँदै, काठमाण्डाैसहित पूर्वमा पानी नपर्ने

२

राष्ट्रिय परिचयपत्र नागरिक एपमा उपलब्ध, विभिन्न सेवामा प्राविधिक परीक्षण चल्दै

३

इजरायलको आक्रमणमा वेस्ट बैंकमा १० जना प्यालेस्टाइनीको ज्यान गयो

४

चिनियाँ सामानमा शुल्क लगाउने अमेरिकी चेतावनीले कसैलाई पनि फाइदा हुँदैन : चीन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई