साउनदेखि पुससम्म रगत सङ्कलनमा किन कमी आउँछ ?

साउन ८, २०८० सोमबार १४:२२:३१ | उज्यालो सहकर्मी

काठमाण्डाै – वर्षायाम शुरु भएसँगै देशभर रगत सङ्कलन कम हुन थालेको छ । रगत सङ्कलन र आपूर्ति गर्दै आएको संस्था केन्द्रीय रक्त सञ्चार सेवाका अनुसार साउनदेखि मङ्सिरसम्म मानिसहरू खेतीपातीमा संलग्न हुने र चाडपर्व पनि यही अवधिमा पर्ने भएकाले रगत सङ्कलनमा कमी हुने गरेको हो ।

वर्षाको समय शुरु भएदेखि मङ्सिर/पुससम्म दैनिक झन्डै आठ सय युनिटमात्रै रगत सङ्कलन हुने केन्द्रीय रक्त सञ्चार सेवाका निर्देशक दिव्यराज पौडेलले बताउनुभयो । उहाँले अन्य समयमा भने नेपालमा एक हजार एक सय युनिटसम्म रगत सङ्कलन हुने गरेको बताउनुभयो । केन्द्रीय रक्त सञ्चार सेवातर्फ २०७९/८० मा ३३ हजार चार सय ८५ युनिट रगत सङ्कलन भएको थियो । उहाँले यस अवधिमा ५४ हजार एक सय २३ युनिट रगत वितरण भएको बताउनुभयो ।

पौडेलले रक्तदातालाई रक्तदान गर्न जनचेतनामूलक कार्यक्रम गर्दै आएको र गएका वर्षहरूको तथ्याङ्क हेर्दा देशभर दैनिक एक हजार दुई सय युनिट रगत आवश्यक पर्ने बताउनुभयो । देशभर एक सय २० वटा रक्त सञ्चार सेवा रहेको र अहिले देशभर दुई लाख ६२ हजार चार सय ८१ नियमित रक्तदाता रहेका बताउनुभयो । निर्देशक पौडेलले नेपालमा कुल जनसङ्ख्याको शून्य दशमलव नाै प्रतिशत नागरिक नियमित रक्तदाता रहेको बताउनुभयो । कुल जनसङ्ख्याको एक दशमलव पाँच प्रतिशत रक्तदाता भए नेपालमा रगतको अभाव नहुने उहाँकाे भनाइ छ । नेपालका रक्तदाताहरूको परोपकारी भावना रहेको र यसलाई दुई गुणा बनाउनसके चाहिएको बेला रगत दिन सकिने उहाँले बताउनुभयो । १८ वर्ष उमेर पुगेपछि जन्मदिन महोत्सव रक्तदान गरेर मनाऔँ भन्ने अभियानलाई पनि अघि बढाएको पाैडेलले बताउनुभयाे ।

उहाँले पाठ्यक्रममै रक्तदानलाई प्रवर्धन गर्ने खालका विषय समावेश गर्नुपर्नेमा जाेड दिनुभयाे । निर्देशक पौडेलले सङ्घ र प्रदेश सरकारले विपन्नहरूलाई रगतमा सहुलियत दिने व्यवस्था गर्ने प्रबन्ध मिलाउनुपर्ने बताउनुभयो । रक्तदाताका लागि रक्तदाता हुँ भनेर गर्व गर्न लायक प्याकेज ल्याउनुपर्ने उहाँकाे भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साउनदेखि पुससम्म रगत सङ्कलनमा किन कमी आउँछ ?

फाइल फाेटाे

तपाईको प्रतिक्रिया