अगस्टमा ६७ हजार जनाभन्दा धेरै पर्यटक नेपाल आए

भदौ १५, २०८० शुक्रबार १७:३८:६ | उज्यालो सहकर्मी

काठमाण्डाै – गएको अगस्ट महिनामा ६७ हजार एक सय ५३ जना विदेशी पर्यटक हवाई मार्ग भएर नेपाल आएका छन् । यो सङ्ख्या अघिल्लो वर्षको अगस्ट महिनाको भन्दा झन्डै २६ हजार जनाले धेरै हो ।

सन् २०२२ को अगस्ट महिनामा ४१ हजार तीन सय चार जना विदेशी पर्यटक नेपाल आएका थिए । यस्तै सन् २०२१ मा छ हजार ९३ जना र सन् २०२० मा दुई सय ६७ जना पर्यटक नेपाल आएका थिए । सन् २०२० र २१ मा कोरोना महामारीका कारण पर्यटन क्षेत्र पनि प्रभावित भएको हो । कोरोना महामारी शुरु हुनुअघि सन् २०१९ मा ७३ हजार आठ सय १४ जना पर्यटक नेपाल आएका थिए ।

सन् २०१९ को तुलनामा यो वर्ष झन्डै ९१ प्रतिशत पर्यटक आएका छन् । विश्वव्यापी आर्थिक मन्दी र रुस–युक्रेन युद्धका बीच पनि कोरोना महामारीले थलिएको पर्यटन व्यवसायको पुनरोत्थान अन्तिम चरणमा पुगेको नेपाल पर्यटक बोर्डका निर्देशक मणिराज लामिछानेले बताउनुभयो ।

गएको अगस्ट महिनामा नेपाल आएका पर्यटकमध्ये सबैभन्दा धेरै भारतबाट २६ हजार छ सय ६५ जना रहेका छन् । यस्तै चीनबाट पाँच हजार २७ जना र अमेरिकाबाट चार हजार छ सय २९ जना आएका छन् ।

सन् २०२३ को आठ महिनामा छ लाखभन्दा बढी विदेशी पर्यटक नेपाल भित्रिएका छन् । बाेर्डका अनुसार याे वर्षको जनवरीदेखि अगस्ट महिनासम्म छ लाख एक हजार तीन सय ६० जना पर्यटक भित्रिएका हुन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अगस्टमा ६७ हजार जनाभन्दा धेरै पर्यटक नेपाल आए

फाइल तस्बिर

तपाईको प्रतिक्रिया