विदेशबाट फर्केर गाईपालन : महिनाको दुई लाखसम्म आम्दानी

कात्तिक १५, २०७५ बिहीबार १४:२५:३३ | रासस

पाल्पा – पाल्पामा विदेशबाट फर्केर गाईपालन गरेका युवाले महिनाको दुई लाख रुपैयाँसम्म आम्दानी गर्न थालेका छन् ।

२०६७ मा साउदीबाट फर्किएर गाईपालन व्यवसाय शरु गर्नुभएका तानसेन नगरपालिका–१२ चिनारीका टीकाराम रेश्मी महिनाको ७० हजारदेखि एक लाख ५० हजार रुपैयाँसम्म कमाउनुहुन्छ । रेश्मीको गोठमा अहिले १७ वटा गाई छन् । १० गाई दुहुना छन् ।

गाईले दैनिक ५० लिटर दूध दिन्छ । दूध बेचेको आम्दानीले पाँच जनाको परिवारको खर्च चलेको छ । गाईपालनबाट रेश्मी परिवार सन्तृष्ट छ ।

त्यस्तै चिनारीका रुकवीर रेश्मी बराइनबाट फर्केर २०६७ सालदेखि गाईपालन गर्दै आउनुभएको छ । उहाँले मासिक डेढ लाख रुपैयाँ आम्दानी गर्दै आउनुभएको छ । ‘गोठमा ३२ उन्नत जातका गाई छन्, दिनको ११० लिटर दूध उत्पादन हुन्छ,’ रुकबीरले भन्नुभयो ।

चिनारीकै देवीबहादुर रानाले साइप्रसबाट फर्केर गाईपालन थाल्नुभएको छ । ११ मध्ये पाँच गाईले दैनिक ३५ लिटर दूध दिन्छन् । उहाँले महिनाको दुई लाख रुपैयाँसम्म कमाउनुहुन्छ । गाईपालन सगैँ उहाँले खेतीपाति पनि गर्नुभएको छ ।

चिनारीबाट मात्रै दैनिक ५५० लिटर दूध तानसेन खपत हुँदै आएको छ । चिनारीका ३० परिवारले गाईपालन गरेका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्