कुवेत छोड्नुअघि अब विदेशी नागरिकले यी बिल अनिवार्य तिर्नु पर्ने

भदौ २१, २०८० बिहीबार १६:२०:१९ | उज्यालो सहकर्मी

काठमाण्डौ – तपाईँ कुवेतबाट घर फर्किँदै हुनुहुन्छ ? यदि फर्कँदै हुनुहुन्छ भने त्यहाँ रहँदा आफूले विभिन्न खालको सेवा लिएबापत तिर्नु पर्ने विभिन्न शुल्कहरू तिरेर मात्र फर्कन पाइने भएको छ ।

कुनै पनि विदेश नागरिकले कुवेतले छाड्नुअघि त्यहाँ रहँदा विभिन्न खालका सेवा सुविधा लिँदा तिर्नु पर्ने सबै खाले बिल तिर्नु पर्ने व्यवस्था गरेको छ ।

ट्राफिक नियम उल्लङ्घन गरेको भएमा त्यसबापत तिर्न पर्ने जरिवाना, बत्तीको बिल, टेलिफोनको बिल लगायत त्यहाँको न्याय मन्त्रालयबाट सेवा लिए बापत तिर्न पर्ने कुनै शुल्क बाँकी भएको त्यो पनि तिर्न पर्ने कुवेतमा स्थानीय सञ्चार माध्यमहरूले खबर लेखेका छन् ।

हवाई मार्ग, स्थल मार्ग र सामुद्रिकमार्फत हुँदै कुवेत छाड्नेहरूले तिर्न पर्ने कुनै रकम बाँकी भएमा त्यहाँको सरकारी सिस्टममा नै देखिने छ ।

विभिन्न मन्त्रालयहरूले आफ्नो सिस्टमहरूबीच एक आपसमा सूचना आदान प्रदान गर्ने र कुनै श्रमिकले देश छाड्दै छ भने उसको सम्पूर्ण विवरण तत्काल थाहा पाउने व्यवस्था गरेका छन् ।

रकम तिर्न बाँकी रहेका विदेशी नागरिकहरूलाई पैसा नतिरेसम्म स्वदेश फर्कन नदिइने कुवेतले जनाएको छ ।

यस्तो विल जुन मन्त्रालयको तिर्न पर्ने हो त्यही मन्त्रालयको अनलाइनमार्फत नै तिर्न सकिन्छ । यो नियम कार्यान्वयनमा आइसकेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्