हमासले बन्धक बनाएकाहरुकाे रिहाइका लागि मध्यस्थता गर्न कतारलाई जर्मनीको आग्रह

असोज २५, २०८० बिहीबार ७:०:५२ | एजेन्सी

इजरायल र हमासबीच युद्ध रोक्न मध्यस्थताका लागि अन्तर्राष्ट्रिय समुदायले चासो र तत्परता देखाएका छन् ।

इजरायलमा आक्रमण गरेको प्यालेस्टिनी लडाकु समूह हमासले बन्धक बनाएका व्यक्तिहरूको रिहाइका लागि मध्यस्थता गर्न जर्मनीले कतारलाई आग्रह समेत गरेको छ । हमासले एक सय ५० जनाभन्दा धेरैलाई बन्धक बनाएको अनुमान छ ।

जर्मनीका विदेशमन्त्री एनालेना बेयरबोकले कतारलगायत विभिन्न देशहरूले महत्त्वपूर्ण भूमिका खेल्नुपर्ने बताउनुभएको छ । कतारका अमिर शेख तमिम बिन हमाद अल थानी बर्लिनका चान्सलर ओलाफ स्कोल्जसँग वार्ताका लागि बर्लिन जाने तयारीमा रहेका बेला बेयरबोकले यस्तो आग्रह गर्नुभएको समाचार संस्था एएफपीले जनाएको छ ।

एक दशकभन्दा लामो समयदेखि हमासको राजनीतिक कार्यालय राख्न दिँदै आएको कतारले गाजालाई करोडौँ डलरको आर्थिक सहायता उपलब्ध गराएको छ । यसअघि पनि कतारले इजरायल र लडाकु समूहबीच सम्झौता गर्न मध्यस्थता गरेको थियो ।

कतारको विदेश मन्त्रालयले इजरायल र हमासबीच मध्यस्थताका लागि प्रयास गरिरहेको समेत जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्