दुई हजारको कोदो फल्ने बारीमा ६० हजारको सयपत्री

कात्तिक १९, २०७५ सोमबार १४:३३:४ | सिताराम अधिकारी

धादिङ – मध्य धादिङको होमस्टे गाउँको नामले चिनिने निलकण्ठ नगरपालिका वडा नम्बर –१, पात्लेमा व्यावसायिक सयपत्री फूल खेती गरिएको छ ।

आइतबार पत्रकारहरुको टोली गाएँ भन्ने ठाउँमा पुग्दा शेरबहादुर गुरुङ उहाँको परिवारसहित फूल टिपेर डोकोमा हाल्दै हुनुन्थ्यो । नजिकैका प्रेमबहादुर गुरुङ र लोकबहादुर गुरुङ पनि फूल टिपेर घरतर्फ लैजाँदै गरेको अवस्थामा भेटिनुभयो ।

सामाजिक अगुवा शेरबहादुर दुई हजारको कोदो फलाउन कठिन हुने बारीमा सयपत्री फूल खेती गरेपछि ६० हजारभन्दा बढी आम्दानी हुने आशाले मख्ख हुनुभएको थियो ।

फूलखेती सुरु गर्दा आफूले गाउँबासीलाई देखाउन र बजारमा धेरै आम्दानी हुन्छ भन्ने प्रत्याभूतिका लागि आफूले नगदेबाली सुरु गरेका शेरबहादुर गुरुङको अनुकरण गर्दै छिमेकीहरुले समेत फूल खेती सुरु गरेका छन् ।

यति धेरै नगद आउने र भारतीय फूललाई प्रतिस्पर्धा गर्न सकिने भएकोले सयपत्री फूल खेती गरेको गुरुङले बताउनुभयो ।

असारमा बीउ रोपेर सुरु गरिने सयपत्री फूलले ५ महिनामा आम्दानी दिन्छ । हातमा नगद पर्छ । वर्षभरिमा दुई चार हजारको आम्दानी गर्न कठिन हुने बारीमा ५०–६० हजार आम्दानी हुने भएकोले गाउँबासी यसतर्फ हौसिएको गुरुङको भनाइ छ ।

नेपालमा भारतीय फूलको माग बढेको भए पनि नेपालमा यसरी नै फूलखेतीतर्फ आकर्षण बढ्ने हो भने परनिर्भर हट्ने उनीहरुको भनाई छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्