दश किलो एक सय ग्राम चरेससहित तीनजना पक्राउ

कात्तिक २०, २०७५ मंगलबार १८:१२:३९ | राजु लामिछाने

रुकुम पश्चिम – अवैध लागुऔषध चरेससहित तीनजनालाई प्रहरीले पक्राउ गरेको छ । आठबीसकोट नगरपालिका–१३, भल्म भन्ने ठाउँबाट दश किलो एक सय ग्राम चरेससहित तीनजनालाई प्रहरीले पक्राउ गरेको हो ।

मंगलबार बिहान १ बजे कर्णाली प्रदेश प्रहरी व्यूरो एसआइटी र जिल्ला प्रहरी कार्यालयलयको सयुंक्त टोलीले दश किलो एक सय ग्राम चरेससहित आठबीसकोट नगरपालिका–९, का ४२ वर्षीय इन्द्र चन्द, सोही ठाउँका ३८ वर्षका कर्णबहादुर शाही र सल्यान सिद्धकुमाख गाउँपालिका ढोरचौर घर भई दाङको तुलसीपुर उपमहानगरपालिका–९, बस्ने ६० वर्षका हिक्मत बुढाथोकीलाई पक्राउ गरेको हो ।

विशेष सूचनाको आधारमा गएको प्रहरी टोली चरेससहित ओसार पसारमा संलग्न तीनजना पक्राउ गर्न सफल भएको जिल्ला प्रहरी प्रमुख प्रहरी नायव उपरीक्षक सुमित खड्काले बताउनुभयो ।

पक्राउ परेकाहरुको साथबाट २ थान सानो तराजु, एक थान डिजिटल स्प्रिङ तराजु, १७ वटा नापतौलमा प्रयोग गरिएको पूरानो सिक्का, आधा किलोको ढक, ४३ हजार ४ सय ४५ रुपैयाँ, तीन वटा मोबाइल र एउटा टर्च समेत बरामद भएको डीएसपी खड्काले जानकारी दिनुभयो ।

चरेस ओसारपसारमा अरुको पनि संलग्नता हुन सक्ने डीएसपी खड्काले बताउनुभयो । पक्राउ परेकाहरुविरुद्ध मंगलबार नै लागुऔषध अन्तर्गत मुद्दा दर्ता गरेर थप अनुसन्धान अघि बढाइसकेको प्रहरीले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्