दक्षिण कोरियामा डाक्टरको आन्दोलनपछि सैन्य डाक्टर परिचालन

फागुन २८, २०८० सोमबार १८:१८:१७ | एजेन्सी

दक्षिण कोरियाली सरकारले प्रदर्शनमा सहभागी हजारौँ डाक्टरको ठाउँमा सैन्य डाक्टरहरूलाई परिचालन गरेको छ । स्वास्थ्य उपमन्त्री जुन ब्युङ्–वाङले एक सय ६० जना सैन्य डाक्टरलाई २० वटा गैरसैनिक अस्पतालमा परिचालन गरेको बताउनुभएको बीबीसीले जनाएको छ ।

मेडिकल शिक्षा लिने विद्यार्थीको सङ्ख्या धेरै बढाउने सरकारी योजनाको विरोध गर्दै गएको महिनादेखि डाक्टरहरूले हड्ताल शुरु गरेका थिए । हड्तालमा तल्लो दर्जाका ७५ प्रतिशत डाक्टरहरू सहभागी भएको बताइएको छ । हड्तालका कारण ठूला शिक्षण अस्पतालहरूमा सेवा प्रभावित भएका छन् ।

केही ठूला अस्पतालहरूका ४० प्रतिशतभन्दा बढी कर्मचारी प्रशिक्षार्थी तथा कनिष्ठ चिकित्सकहरू हुन्छन् । त्यसैले आन्दोलनका कारणले केही अस्पतालहरूमा शल्यक्रिया गर्ने क्षमता आधाले घटेको बताइएको छ । सरकारले पाँच हजार जना डाक्टरलाई उनीहरूको मेडिकल लाइसेन्स स्थगन गर्ने सूचना दिएको छ ।

सरकारी अधिकारीहरूले वृद्धवृद्धाको सङ्ख्या द्रूत गतिमा बढिरहेकोले थप डाक्टर चाहिएकोले विद्यार्थी सङ्ख्या बढाउनुपरेको बताएको छ । अरू विकसित देशहरूको तुलनामा दक्षिण कोरियामा बिरामीको अनुपातमा डाक्टरको उपलब्धता निकै कम छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दक्षिण कोरियामा डाक्टरको आन्दोलनपछि सैन्य डाक्टर परिचालन

तस्बिर : एजेन्सी

तपाईको प्रतिक्रिया