भारतीय प्रहरीको सर्वाधिक खोजीमा रहेका दुई भारतीय नागरिक सर्ल...
चैत ६, २०८० मंगलबार
इलाम – इलाममा ट्रयाक्टर दुर्घटना हुँदा चालक र सहचालकको ज्यान गएको छ ।
इलामको माङ्सेबुङ्ग गाउँपालिका वडा नम्बर ३ भञ्ज्याङमा शुक्रबार ट्रयाक्टर दुर्घटनामा भएको हो । दुर्घटनामा चालक नविन कुरुम्बाङ्ग र सहचालक गोकुल लिम्बूको उपचारका क्रममा ज्यान गएको जिल्ला प्रहरी कार्यालय इलामले जानकारी दिएको छ ।
दुघर्टनामा गम्भीर घाइते भएका दुवैको दमकमा रहेको लाइफलाइन अस्पतालमा ज्यान गएको हो । २८ वर्षका मृतक चालक माङ्सेवुङ गाउँपालिका–३ का र २२ वर्षका सहचालक धनकुटा जिल्ला चौबिसे गाउँपालिका–८ का बासिन्दा रहेको प्रहरीले जानकारी दिएको छ ।
पाँचथरको रविबाट दमकतर्फ अदुवा बोकेर आउँदै गरेको मे १ त ८०२५ नम्बरकोे ट्रयाक्टर दुर्घटना भएको प्रहरीले जनाएको छ ।