बसाइँसराइका कारण मुस्ताङको ध्ये गाउँ रित्तियो

असोज २, २०८१ बुधबार १२:७:५८ | रासस

म्याग्दी – मुस्ताङको लोघेकर दामोदरकुण्ड गाउँपालिका–५ को ध्ये गाउँ बसाइँसराइका कारण रित्तिएको छ । जलवायु परिवर्तनले गाउँमा पानीका मुहान सुक्दै गएपछि मानिसहरू बस्ती छोड्न बाध्य भएका हुन् ।

दुई दशक अघिसम्म मानव बस्तीले भरिएको गाउँमा स्थानीयवासीले पानी खोज्दै अन्त बसाइँसराइ गरेपछि स्थानीय परम्परा, संस्कृति र इतिहास पनि मेटिँदै गएको वडाध्यक्ष पासाङ गुरुङले बताउनुभयो । उहाँका अनुसार मानिस बस्न छाडेपछि त्यहाँका पुराना घरहरू भत्किँदै गएर बस्ती खण्डहर र उराठलाग्दो देखिएको छ ।

बसाइँ सर्नेहरू बढेपछि ध्येको सयाैं हेक्टर खेतीयोग्य जमिन बाँझिएको छ । लोघेकर दामोदरकुण्ड गाउँपालिका–५ का वडाध्यक्ष पासाङ गुरुङले पानीको समस्याका कारण आन्तरिक बसाइँसराइ भएपछि ध्ये गाउँमा बस्ने कोही पनि नभएको जानकारी दिनुभयो ।

विं.सं. २०६४ देखि नै ध्येवासी बसाइँ सरेर बेँसीमा रहेको थामजुङमा झर्ने क्रम शुरू भएको थियो । चराङ र सुर्खाङको नजिकै रहेको थामजुङमा खानेपानी, विद्युत् लगायत सुविधा छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बसाइँसराइका कारण मुस्ताङको ध्ये गाउँ रित्तियो

तस्बिर : रासस

तपाईको प्रतिक्रिया