नेपाली माउण्टेन बाइकरकाे श्रीलंकामा प्रतियाेगिताका क्रममा मृत्यु

जेठ ३१, २०७५ बिहीबार १५:३३:४ | उज्यालो सहकर्मी

श्रीलंकामा भइरहेको अन्तरराष्ट्रिय प्रतियोगिता रम्बल इन द जंगलमा भाग लिन गएका नेपाली माउण्टेन बाइकर नारायण गोपाल महर्जनको विहीबार बेलुका महाबेली नदीमा खसेर मृत्यु भएको छ ।

५ स्टेजको साहसिक प्रतियोगिताकै क्रममा उनको नदीमा खसेर मृत्यु भएको स्थानीय डेलीमिरर डट एलके ले जनाएको छ ।

श्रीलंकाको कोलम्बोबाट २३० किलोमिटर दक्षिण–पूर्वमा रहेको कुदा ओया नदीमा डुबेका उनको शरीर प्रहरीले नजिकैको बाँधमा भेट्टाएको थियो ।

श्रीलंकन एअरलाइन्सको आयोजनामा यही जुन ९ देखि १५ तारिखसम्म चल्ने ‘रम्बल इन जंगल’ साइकल रेसमा ३३ वर्षीय महर्जनसहित अजय पण्डित क्षेत्री र बुद्धि बहादुर तामाङले पनि सहभागिता जनाएका थिए ।

श्रीलंकाको पहाडी क्षेत्रमा रहेको बर्षा वन, नदी पार गर्नुपर्ने सहासिक साइकल रेसका क्रममा खेलाडीले जंगली हात्ती, चितुवा, सर्प जस्ता जीवजन्तुको सम्भावित खतरा समेत रहेको बताइएको छ ।

प्रतियोगितामा नेपाल ,भारत, बेलायत लगायत ३९ देशका बाइकरहरुको सहभागिता थियो ।

महर्जनको मृत्युपछि प्रतियोगिता रोकिएको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्