सरकारले भन्योः डाक्टर केसीले नै विधेयक पढेनन्, कांग्रेसले अनसनलाई उचाल्यो

माघ १०, २०७५ बिहीबार १६:५६:५४ | उज्यालो सहकर्मी

काठमाण्डौ – सरकारले डाक्टर गोविन्द केसीका सबै माग पूरा भएको भन्दै आन्दोलनको कुनै अर्थ नभएको जनाएको छ ।

मन्त्रिपरिषद्का बैठक सार्वजनिक गर्न भएको पत्रकार सम्मेलनमा सरकारका प्रवक्ता तथा सूचना तथा सञ्चार प्रविधिमन्त्री गोकुल बाँस्कोटाले सरकारले नागरिकमुखी चिकित्सा शिक्षा विधेयक संसदमा पेश गरेको भन्दै आन्दोलनको अर्थ नभएको जनाएको हो ।

संसदबाट अब विधेयक फिर्ता हुने कल्पना पनि गर्न नसकिने भन्दै उहाँले विधेयक पास हुने ठोकुवा गर्नुभयो । लोकतन्त्रमा संसदको बहुमतको सम्मान हुने भन्दै चिकित्सा शिक्षा विधेयकको टुंगो संसदले लगाउने पनि उहाँले बताउनुभयो

डाक्टर केसीले नै विधेयक नपढेको हुनसक्ने भन्दै उहाँले विधेयक पूरै पढ्न पनि डा केसीलाई आग्रह गर्नुभयो ।

‘डाक्टर केसीलाई हामीले संसदमा पेश भएकोभन्दा अर्कै विधेयक पो दिइएको छ कि भन्ने लागेको छ, डाक्टर सापलाई अनुरोध छ, कृपया विधेयक पढिदिनुस्, तपाइँले उठाएका सबै माग पूरा भएका छन’ प्रवक्ता बाँस्कोटाले भन्नुभयो ।

केसीको अनसनलाई कांग्रेसले राजनीतिकरण गरेको भन्दै उहाँले संसदमा हुलहुज्जत गर्ने र सभामुखलाई घेराबन्दी गर्नु लोकतान्त्रिक चरित्र नभएको बताउनुभयो ।

‘सरकारले दुई तिहाइको दम्भ देखायो, अधिनायकावाद लाद्न खोज्यो, जे जे भन्नुस्, प्रक्रियाबाटै अघि बढेको विधेयक शुक्रबार बस्ने संसद बैठकबाट पारित हुन्छ’, मन्त्री बाँस्कोटाले भन्नुभयो ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्