हिरो महिला गोल्डकप : नेपालले आज इरानसँग खेल्दै, फाइनलमा पुग्न जित्नै पर्ने

फागुन १, २०७५ बुधबार ११:५०:८ | उज्यालो सहकर्मी

भारतमा भैरहेको महिला गोल्डकपको समूहको अन्तिम खेलमा नेपालले बुधबार इरानसँग खेल्दैछ । कालिंगा स्टेडियममा हुने खेल नेपाली समय अनुसार दिउँसो सवा चार बजेदेखि सुरु हुनेछ । नेपाललाई प्रतियोगिताको फाइनलमा पुग्न आजको खेल जित्नै पर्ने दबाव रहेको छ । समूह चरणमा खेलका दुई खेलमा नेपालले एक खेलमा जित र एक खेलमा हार ब्यहोरेको छ ।

जारी प्रतियोगितामा उपाधिको प्रबल दावेदार टिम म्यानमारसँग तीन शून्यको हार ब्यहोरको नेपालले दोस्रो खेलमा भारत विरुद्ध ऐतिहासिक दुई एकको जित निकालेको थियो । यता इरानले दुई खेलमा नै हारेको थियो । आज नेपालले इरानलाई हराएमा फाइनलमा स्थान बनाउने छ । इरानले म्यानमारसँग दुई शून्यले हारेको थियो भने भारतसँग एक शून्यले पराजित भएको थियो ।

भारतलाई हराउँदा दुई गोल गरेकी सावित्रा भण्डारीको प्रदर्शन आज पनि नेपालका लागि महत्वपूर्ण हुनेछ ।

बुधबार नै भारत र म्यानमारबीच प्रतिस्पर्धा हुनेछ । यदि यो खेलमा भारत पराजित भएमा नेपाल सहजै फाइनलमा पुग्नेछ । भारतले जितेमा हेड टु हेडमा पनि नेपाललाई नै फाइदा हुनेछ । नेपालले प्रतियोगितामा चार गोल खाँदा दुई गोल गरेको छ । तालिकामा नेपाल र भारतकाे समान तीन अंक छ भने म्यानमार ६ अंकका साथ फाइनलमा पुगिसकेकाे छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्