ब्राउनसुगरसहित नेपाली सेनाका मेजर पक्राउ

असार १०, २०७५ आइतबार १०:३८:२५ | हेमराज शर्मा

बाँके – लागु औषध ब्राउनसुगरसहित नेपाली सेनाका मेजर पक्राउ परेका छन् । नेपाली सेनाका मेजर धिरेन्द्रजंग शाहीसहित अर्का एक जनालाई प्रहरीले बाँकेको राप्ती सोनारी गाउँपालिका–९ ढकेरीबाट नियन्त्रणमा लिएको छ ।

ढकेरीमा रहेको एक होटलमा बसिरहेका उनीहरुलाई ५४ ग्राम ब्राउनसुगरसहित पक्राउ गरिएको जिल्ला प्रहरी कार्यालय बाँकेका प्रहरी निरीक्षक रणबहादुर विष्टले जानकारी दिनुभयो ।

शनिबार साँझ नेपाल प्रहरीको लागु औषध नियन्त्रण ईकाई र जिल्ला प्रहरी कार्यालयको टोलीले मेजर शाही र बाँके राप्ती सोनारीका रिम पौडेललाई पक्राउ गरेको हो । पक्राउ परेका दुवै जनालाई आइतबार म्याद थपको तयारी भैरहेको प्रहरी निरीक्षक बिष्टले जानकारी दिनुभयो ।

प्रहरी निरीक्षक बिष्टका अनुसार पक्राउ गरिएका शाही नेपाली सेनाको मेजर भएकोबारे कुनै आधिकारिक पुष्टि भएको छैन । उहाँले भन्नुभयो, ‘शाहीले आफ्नो परिचय खुल्ने कुनै पनि कागजात देखाउनु भएको छैन ।’

लागु औषधसहित पक्राउ परेका व्यक्ति जो भए पनि कानुन अनुसार कारवाही प्रक्रिया अघि बढाइने जिल्ला प्रहरी कार्यालय बाँकेले जनाएको छ ।

बाँकेमा पछिल्लो समय लागु औषधको कारोबार बढ्दो क्रममा छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्