बोरुसिया डर्टमुन्डलाई हराउँदै टोटनह्याम युरोपियन च्याम्पियन्स लिगको क्वार्टरफाइनलमा

फागुन २२, २०७५ बुधबार ६:३५:१४ | उज्यालो सहकर्मी

युरोपियन च्याम्पियन्स लिगमा जर्मन लिग लिडर बोरुसिया डर्टमुन्डलाई समग्रमा चार–शून्यले हराउँदै टोटनह्याम क्वार्टरफाइनलमा प्रवेश गरेको छ । पहिलो लेगमा तीन–शून्यको जित निकालेको टोटनह्याम दोस्रो लेगमा एक शून्यले विजयी भयो ।

घरेलु मैदानमा भएको पहिलो लेगमा तीन–शून्यको जित निकालेको टोटनह्यामले अवे खेलमा बोरुसियालाई उसकै मैदानमा एक–शून्यले हरायो । उसको जितमा हेरी केनले एकमात्र गोल गरे । उनले खेलको ४८ औं मिनेटमा गोल गरेका थिए । जसका कारण टोटनहमलाई अन्तिम आठमा स्थान बनाउन पर्याप्त बन्यो ।

२०११ पछि टोटनह्याम युरोपियन प्रतियोगिताको क्वार्टरफाइनलमा पुगेको हो । हेरी केन युरोपियन प्रतियोगितामा टोटनह्यामबाट धेरै गोल गर्ने पहिलो खेलाडी बनेका छन् । उनले कुल २४ गोल गरेका छन् ।

यस्तै एक भन्दा धेरै युरोपियन खेलमा कम्तीमा ५ गोल गर्ने केन स्टेफेन जेरार्ड पछि पहिलो खेलाडी हुन् । क्वार्टरफाइनलको ड्र शुक्रबार हुनेछ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्