उडिनेसेलाई ४-१ ले हराउँदै सिरी एकाे शीर्ष स्थानमा युभेन्टसले १९ अंककाे अग्रता बनायाे

फागुन २५, २०७५ शनिबार ६:५९:५८ | एजेन्सी

किशोर खेलाडी मोइसे किनले दुई गोल गरेपछि उडिनेसेलाई ४-१ गोलअन्तरले हराउँदै युभेन्टसले इटलीयन सिरी एको शीर्ष स्थानमा १९ अंकको अग्रता बनाएको छ ।

११औं मिनेटमा एलेक्स सान्द्रोको क्रसलाई सदुपयोग गरेका थिए भने ३९औं मिनेटमा दोस्रो गोल गर्दा बक्सभित्र उत्कृष्ट फिनिसिङ गरेका थिए । ६७औं मिनेटमा पाएको पेनाल्टीमा एम्रे कानले गोल गरे । त्यसको चार मिनेटपछि ब्लाइस माटुइडीले युभेन्टसका लागि चौथो गोल गरे । खेलको अन्तिम समयमा केभिन लासाग्नाले उडिनेसेका लागि सान्त्वना गोल फर्काएका थिए ।

कोपा इटालियाको उपाधि जितिसकेका १९ वर्षीय किनको यो सिरी एमा सातौं गोल हो । उनी गाल सिजन भेरोनाबााट लोनमा युभेन्टस आएका हुन् । सन् २०११ यता युभेन्टसले लगातार सात पटक सिरी एको उपाधि जितिसकेको छ । १९ अंक पछि रहेको दोस्रो स्थानको नापोलीले आइतबार सासुओलोसँग खेल्दैछ । उडिनेसे २५ अंकसहित लिगको १५औं स्थानमा छ ।

क्रिष्टियानो रोनाल्डोलाई यस खेलमा आराम दिइएको थियो । मंगलबार च्याम्पियन्स लिगमा अन्तिम १६ को दोस्रो लेग अन्तर्गत युभेन्टसले एट्लेटिको मड्रिडसँग खेल्दैछ । पहिलो लेग युभेन्टस २-० ले पराजित भएको थियो । घरेलु मैदानमा किनले पहिलो हाफमा दुई गोल गरेका थिए ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्