बायर्न म्युनिखकाे आधा दर्जन गाेल

फागुन २६, २०७५ आइतबार ६:४३:२२ | उज्यालो सहकर्मी

जर्मन बुण्डेस लिगामा बार्यन म्युनिख विजयी भएको छ । बायर्न म्युनिकले उल्फ्सबर्गलाई ६–० ले हरायो ।घरेलु मैदानमा बायर्नले उल्फ्सबर्गलाई हराउँदै तालिकाको शीर्ष स्थानमा उक्लिएको छ ।

बार्यनको जितमा रोबर्ट लेवान्दोस्कीले दुई गोल गरे भने सेर्जी ग्नाब्री, थोमस मुलर, जोसुवा किम्मिच र जेम्स रोद्रिगेजले एक एक गोल गरे ।३४औं मिनेटमा ग्नाब्रीले गोल गर्दै बायर्नलाई अग्रता दिलाएका थिए । त्यसको तीन मिनेटपछि नै लेवान्दोस्कीले बायर्नको अग्रता दोब्बर बनाए ।

पहिलो हाफमा दुई गोलको अग्रता लिएको बायर्नले दोस्रो हाफमा चार गोल थप्यो । ५२औं मिनेटमा रोद्रिगेजले गोल गर्दा बायर्नको अग्रता ३–० को अग्रता दिलाए । ७६औं मिनेटमा मुलरले गोल गरे भने ८२औं मिनेटमा किम्मिचले गोल गरेपछि बार्यनले पाँच गोलको अग्रता दिलाए । ८५औं मिनेटमा लेवान्दोस्कीले ब्यक्तिगत दोस्रो गोल गर्दा बायर्नले ६–० को जित दिलाए ।

जितसँगै बायर्न बुण्डेस लिगको शीर्ष स्थानमा उक्लिएको छ । बायर्नले २५ खेलबाट ५७ अंक बनाएको छ । बायर्नले बोरुसिया डोर्टमण्लाई गोल अन्तरमा पछि पारेको छ ।

बुण्डेस लिगको दोस्रो स्थानमा रहेको बोरुसिया डोर्टमण्डले स्टुर्टगार्टलाई ३–१ ले हरायो । पहिलो हाफ गोलरहित बनेको खेलको ६२औं मिनेटमा पाएको पेनाल्टीलाई सदुपयोग गर्दै मार्को रियुसले गोल गर्दै डोर्टमण्डलाई अग्रता दिलाए ।

७१औं मिनेटमा केम्फले स्टुटगार्टका लागि गोल गरेपछि खेल बराबरीमा पुग्यो । ८४औं मिनेटमा पाको अल्कासरले गोल गर्दै डोर्टमण्डलाई फेरी अग्रता दिलाए ।

दोस्रो हाफको इन्ज्युरी समयमा क्रिष्टियन पुलिसिचले गोल गर्दै डोर्टमण्डलाई ३–१ को जित दिलाए ।डोर्टमण्डको पनि ५७ अंक पुगेको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्