इंग्लिस प्रिमियर लिगमा म्यानचेस्टर युनाइटेडको जित

चैत १७, २०७५ आइतबार ७:२१:४० | उज्यालो सहकर्मी

इंग्लिस प्रिमियर लिगमा म्यानचेस्टर युनाइटेड विजयी भएको छ । अन्तर्राष्ट्रिय ब्रेकपछिको पुनः संचालन भएको खेलमा युनाइटेडले वाट्फोर्डलाई २–१ ले हरायो ।

युनाइटेडको जितमा मार्कस रासफोर्ड र एन्थोनी मार्सियलले एक एक गोल गरेका थिए । वल्ड ट्राफोर्डमा भएको खेलको २८औं मिनेटमा रासफोर्डले गोल गर्दै युनाइटेडलाई पहिलो हाफमा एक गोलको अग्रता दिलाएका थिए ।

७२औं मिनेटमा मार्सियलले गोल गर्दै युनाइटेडको अग्रता दोब्बर बनाए । ९०औं मिनेटमा डोनकोउरेले वाट्फोर्डका लागि गोल गर्दै युनाइटेडको अग्रता छोट्याएका थिए । तर थप गोल हुन नसक्दा युनाइटेडले जित हात पार्‍यो । जितसँगै युनाइटेड ६१ अंक बनाउँदै चौथो स्थानमा उक्लिएको छ ।

वाट्फोर्ड भने ४३ अंक सहित नवौं स्थानमा छ । प्रिमियर लिग अन्तर्गत नै भएका अन्य खेलहरुमा साउथह्याम्टन, बर्नले, क्रिष्टल प्यालेस र लेस्टर सिटी पनि विजयी भएका छन् ।

साउह्याम्टनले ब्राइटन एण्ड होभ अल्वियोनलाई १–० ले हरायो भने बर्नलेले उल्भरह्याम्टनमाथि २–० को जित निकाल्यो । क्रिष्टल प्यालेसले हडर्सफिल्ड टाउनलाई २–० ले नै हरायो भने लेस्टर सिटीले पनि एएफसी बर्नमाउथमाथि २–० को जित दर्ता गर्‍याे ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्