इण्डियन प्रिमियर लिग : चेन्नई र मुम्बई खेल्दै

चैत २०, २०७५ बुधबार १०:१७:० | उज्यालो सहकर्मी

इण्डियन प्रिमियर लिग क्रिकेट आईपीएलमा बुधबार पनि एउटा मात्रै खेल हुँदैछ । नेपाली समय अनुसार राति सवा ८ बजे चेन्नई सुपर किंग्स र मुम्बई इण्डियन्स वान डे स्टेडियममा खेल्दैछन् । यी दुवैको चौथो खेल हो ।

चेन्नई जारी आईपीएलमा अपराजित टिम हो भने मुम्बईले एक खेलमा मात्रै जित हात पारेको छ । गएको संस्करणको उपाधि विजेता चेन्नाई बुधबारको खेल पनि जित्दै अपराजित यात्रा कायम राख्ने लक्ष्यमा हुने छ । मुम्बई पछिल्लो खेलमा पञ्जाबसँग राजित भएको थियो ।

चेन्नईको फर्म उत्कृष्ट रहेको छ । पछिल्लो खेलमा खराब शुरुआत गरे पनि कप्तान महेन्द्रसिंह धोनीले टिमको संकट मोचन गरेका थिए । उनकै ब्याटबाट बनेको रनकै कारण चेन्नाई विजयी हुन सफल भएको थियो ।

चेन्नाईमा धोनीका साथै अल राउण्डर शेन वाट्सन, सुरेश रैना, केदार जाधव र अम्बाती रायडू जस्ता ब्याट्सम्यान छन् ।

यसैगरी डुवान ब्रावो, रविन्द्र जड्जा जस्ता बलर छन् भने वाट्सनले पनि बलिङमा जतिबेला पनि उत्कृष्ट प्रदर्शन गर्ने दक्षता राख्छन् । यसैगरी हरभजन सिंहलाई बुधबार खेलाउने सम्भावना पनि रहेको छ ।

उता मुम्बईको टिममा अझै तालमेल देखिएको छैन । क्वीन्टन डी ककको ब्याटबाट रन बने पनि रोहित शर्मा र किरन पोलार्डले रन बनाउन सकेका छैनन् ।

युवराज सिंहले ब्याट् केही हदसम्म खोले पनि धेरैबेर विकेटमा भने टिक्न सकेका छैनन् । बुधबारको खेलमा लासिथ मालिंगालाई बाहिर राखेर बेन कटिंगलाई खेलाउन सम्भावना रहेको छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्