गौतम बुद्ध अन्तर्राष्ट्रिय रंगशालाको सहयोगका लागि हुन लागेकाे च्यारीटी क्रिकेट प्रतियाेगिता भाेलि

१५ प्रतिशत रकम हावाहुरीबाट ज्यान गुमाएका परिवारलाई सहयाेग गर्ने

चैत २९, २०७५ शुक्रबार १३:५८:४६ | उज्यालो सहकर्मी

चितवनको भरतपुरमा निर्माण हुन लागेकाे गौतम बुद्ध अन्तर्राष्ट्रिय रंगशालाको सहयोगका लागि हुन लागेकाे च्यारीटी क्रिकेट प्रतियाेगिता मातृभूमि कपकाे तयारी पूरा भएकाे आयोजकले जनाएका छन् ।

प्रतियोगितामा कलाकारहरुको दुई टोली र राष्ट्रिय क्रिकेटरको दुई टाेलीले प्रतिस्पर्धा गर्नेछन् । धर्मुस सुन्तली फाउन्डेसनले बनाउने लागेकाे क्रिकेट मैदानकाे सहयाेगका लागि हुन लागेकाे प्रतियाेगिता बिहान १० बजेबाट हुनेछ । गएको शनिबार नै हुने भनिएकाे याे खेल वर्षाका कारण याे शनिबार सारिएकाे हाे ।

धुर्मुस सुन्तलीले पत्रकार सम्मेलन गर्दै भाेलि हुने खेलका लागि सबै तयारी पूरा भएकाे र याे रंगशालाले सबैलाइ जाेड्ने प्रयास गरेकाे र यसकाे निर्माणमा सबैले साथ दिन पनि आग्रह गरेका छन् । यसका साथै कप्तान पारस खड्काले उहाँहरूले जुन साेचका साथ काम अगाडी बढाएका छन्, त्यसमा हामीले पनि साथ दिने र सबैले साथ दिनुपर्ने बताए । याे काम समयमै पूरा हाेस भन्ने हाम्राे पनि चाहना रहेकाे बताए ।

साथै भाेलि उठ्ने कुल रकमकाे १५ प्रतिशत बारामा हावाहुरीबाट ज्यान गुमाएकाे परिवारलाइ सहयाेग गर्ने बताएका छन् ।

क्रिकेटर र कलाकारहरुलाई ‘ए’ र ‘बी टोलीमा विभाजन गरेर खेलाइने छ । क्रिकेटरको ‘ए’ टिमको नेतृत्व पारस खड्काले र ‘बी’ टिमको नेतृत्व ज्ञानेन्द्र मल्लले गर्नेछन् । यस्तै कलाकारको ‘ए’ टिमको नेतृत्व मदनकृष्ण श्रेष्ठले र ‘बी’ टिमको नेतृत्व हरिवंश आचार्यले गर्नेछन् । क्रिकेटरबीचको खेल अगाडि कलाकारबीचको मनाेरञ्जनात्मक खेल हुनेछ ।

जसका लागि सुनिल थापा, बद्री पंगेनी, सरोज खनाल, सलिनमान बनिया,दयाहाङ राई, निश्चल बस्नेत, सुरजसिंह ठकुरलगायत कलाकारहरु तयार छन् ।

टिम ए मा मदनकृष्णसहित सन्दीप क्षेत्री, सुनील थापा, कमल मैनाली, बद्री पंगेनी, श्याम पुरी, कुमार कट्टेल, कर्म शाक्य, हेमराज बिसी, घनश्याम गौतम निराजन प्रधान, सन्तोष लामा, अनमोल गुरुङ, राजु ढकाल, दिपक ढकाल र दिलिप ओखेडा रहेका छन् ।

यस्तै, समूह बी मा हरिवंशसहित सलिनमान बानिया, हेमन्त शर्मा, अनुराग कुँवर, शंकर केसी, कृष्ण काफ्ले, निर शाह, सरोज खनाल, निश्चल बस्नेत, दयाहाङ राई, वीरेन्द्र हमाल, हेमन्त राना, पल शाह, अर्जुन घिमिरे, राजा राजेन्द्र पोखरेल र माओत्से गुरुङ रहेका छन् ।

क्रिकेटरमा नेपाल ‘ए’ मा पारससहित शरद भेषावकर, अनिलकुमार शाह, ललितनारायण राजवंशी, सोमपाल कामी, आरिफ शेख, अविनाश बोहरा, सुनील धमला, र भुवन कार्की छन् ।

नेपाल ‘बी’ मा कप्तान ज्ञानेन्द्रसहित विनोद भण्डारी, दीपेन्द्रसिंह ऐरी, सुसन भारी, दिलीप नाथ, वसन्त रेग्मी, करण केसी, ललितसिंह भण्डारी, विक्रम सोब र प्रदीप ऐरी छन् ।

खेलका लागि टिकटदर १ हजार र तीन सय रुपैयाँ तोकिएको छ । साथै रंगशाला निर्माणको सहयोगार्थ स्वेच्छाले थप रकम दिन पनि सकिनेछ । यसका साथै भोलिको खेलबाट उठेको रकमको १५ प्रतिशत बाराका हुरी पिडितहरुलाई दिइनेछ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्