एसीसी यू–१६ इस्टर्न रिजन च्याम्पियनसिप : हङकङले दियाे नेपाललाई ८७ रनको लक्ष्य

वैशाख १४, २०७६ शनिबार ११:३९:४० | उज्यालो सहकर्मी

एसीसी यू–१६ इस्टर्न रिजन च्याम्पियनसिपकाे सेमिफाइनलमा नेपालले हङकङबाट ८७ रनको लक्ष्य पाएको छ ।

थाइल्याण्डको प्रेम तिन्सुलानान्डा अन्तर्राष्ट्रिय स्कुलको मैदानमा भएको खेलमा हङकङ ३२ ओभर २ बलमा ८६ रनमा अलआउट भयो । उसका एक खेलाडीले मात्र दोहोरो अंक छुन सके ।

नेपालले हङकङको खाता नखुल्दै पहिलो विकेट लियो । उसका जगराज सिंह शून्य रनमा नै आउट भए । त्यसपछि ८ रन हुँदा नेपालले दोस्रो सफलता हात पार्यो । उसका लुकास गाब्रियलले एक रन मात्र बनाउन सके ।

हङकङको विकेट झर्ने क्रम यतिमा रोकिएन । उसको स्कोर ३१ रन हुँदा ब्रिज सियोपुरी ८ रनमा पेभेलियन फर्किए । त्यसपछि हंङकंङले स्कोरबोर्डमा अरु एक रन थप्दा चौथो विकेट खेर फाल्यो । उसका मोहम्मद जाहिर खाता खोल्न नपाउँदै आउट भए ।

त्यसपछि हङकङको स्कोर ५९ रन हुँदा नेपालले पाँचौ विकेट लियो । उसका रौनक कपुर मात्र चार रनमा आउट भए ।

त्यसपछि हङकङले स्कोरबोर्डमा ६६ रन बनाउदा ६ विकेट खेर गयो । उसका अहान त्रिवेदी ५ रनमा रनआउट भए । त्यसको लगत्तै नेपालले हङकङको सातौ विकेट लियो । उसका वाहिद मोहम्मदले खाता खोल्न नपाउदै आउट भए ।

एकपछि अर्को विकेट गुमाएको हङकङको स्कोर ८३ रन हुँदा आठौं विकेट गयो । मुद्दसार खान मुहम्मद चार रनमा आउट भए ।

त्यसको लगत्तै कुनाल सुनिल पनि एक रनमा आउट भएपछि नेपालले नवौ सफलता हात पार्यो । अन्ततः हङकङ ८६ रनमा अलआउट भयो । नेपालले २० अतिरिक्त रन दिएको थियो ।

बलिङमा नेपालका निखिल कुमार सिंहले चार तथा रमेश कुर्मी र विशालकुमा पटेलले दुई दुई विकेट हात पारे ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्