बझाङ – सोलारको तार सर्ट भएर लागेको आगोबाट दुई तले घर जलेर नष्ट भएको छ ।

थलारा गाँउपालिका वडा नम्बर–१, की लक्ष्मीदेवी जोशीको घरमा राखिएको सोलारको तार सर्ट हुँदा २ तले घर जलेर नष्ट भएको हो । बिहीबार दिउँसो घरमा राखिएको सोलारको तार सर्ट भएर आगो लाग्दा घरमा भएको अन्नबाली, लत्ताकपडा, भाँडाकुँडा सबै जलेर नष्ट भएको प्रहरीले जनाएको छ । घरमा कोही पनी नभएको समयमा आगलागी भएका कारण मानविय क्षती भने नभएको प्रहरीले जनाएको छ ।

तार सर्ट भएर सोलारको ब्याट्री पड्किएपछि घरमा आगलागी भएको थियो । असारको महिना सबै परिवार नै खेतबारीमा काम गर्न गएका बेला घरमा आगलागी भएको लक्ष्मादेवी जोशीले बताउनुभयो । आगोलाई स्थानीय बासिन्दा मिलेर निभाएकोे उहाँको भनाई छ । आगलागीबाट झण्डै २–३ लाख बराबरको क्षती भएको उहाँको भनाई छ  ।