ग्लोबल टी–२० प्रिमियर लिग : सन्दीपको टिम बाहिरियो

असार २५, २०७५ सोमबार १०:३४:४० | उज्यालो सहकर्मी

नेपाली क्रिकेटर सन्दीप लामिछानेको टिम मोन्ट्रियल टाइगर्स क्यानडामा जारी ग्लोबल टी–२० प्रिमियर लिगबाट बाहिरिएको छ । तर सन्दीपले अन्तिम खेलमा पनि उत्कृष्ट प्रदर्शन गर्दै दुई विकेट लिए ।

टोरन्टो नेसनलसँग टस हारेर ब्याटिङको निम्तो पाएको मोन्ट्रियलले २० ओभरमा ४ विकेट गुमाउँदै एक सय ७६ रन बनाएको थियो । उसका लागि जर्ज वोर्केरले ६२ तथा हेनरिकले ५० रन बनाए ।

जवाफमा टोरन्टोले २० ओभरमा नौ विकेट गुमाउदा रोमाञ्चक एक विकेटको जित निकाल्यो । उसको जितमा नितेश कुमराले ४६ तथा एन्टोन डेभिचले ४३ रन बनाए । यस्तै कायरन पोलार्डले पनि ३७ रनको योगदान गरे ।

बलिङतर्फ सन्दिपले दुई विकेट हात पारे । उनले चार ओभरमा ३४ रन खर्चिदै दुई विकेट लिएका हुन् ।

मोन्ट्रियल टाइगर्सले पाँच खेलमध्ये एक खेलमा मात्रै जित हात पार्योे । मोन्ट्रियल टाइगर्समा ४० हजार डलरमा आवद्ध भएका सन्दीपले क्यानडामा पनि आफ्नो उत्कृष्ट बलिङ देखाएका छन् । पहिलो खेल प्राविधिक कारण नखेलेका सन्दीपले बाँकी चार खेलमा भने उत्कृष्ट प्रदर्शन गरे ।

वेष्ट इन्डिज बीसँगको खेलमा खराब प्रदर्शन गरे पनि सन्दीपले बाँकी तीन खेलमा भने उत्कृष्ट पुनरागमन गरे । वेष्ट इन्डिज बीसँगको खेलमा उनले ४ ओभर बलिङ गर्दै ५७ रन खर्चिएर एक विकेट लिएका थिए ।

त्यस्तै भ्यानकुभर नाइट्सविरुद्ध चार ओभरमा एक ओभर विकेट मेडन राख्दै १९ रन दिएका थिए । एडमन्टन रोयल्सविरुद्धकोे खेलमा चार ओभर बलिङ गर्दै १६ रन दिएर एक विकेट लिए ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्