वैदेशिक रोजगारमा जाने श्रमिकलाई टिकटमै अत्यावश्यक सुविधाको व्...
बैशाख १४, २०८१ शुक्रबार
काठमाडौं – प्रतिनिधिसभामा डाक्टर गोविन्द केसीको अनसन तथा चिकित्सा शिक्षा विधेयक सम्बन्धी जरुरी सार्वजनिक महत्वको प्रस्ताव पेश हुँदैछ ।
मुख्य विपक्षी दल नेपाली कांग्रेसका तर्फबाट सांसद दिलेन्द्र बडुले दर्ता गराएको प्रस्ताव सोमबारको बैठकमा राखिने संसद सचिवालयले जनाएको हो । प्रस्तावमा यसअघिको सरकारले ल्याएको अध्यादेश अनुसारकै चिकित्सा शिक्षा विधेयक ल्याई तत्काल गोविन्द केसीको अनसन तोडाउने र केशीको उपचार गराउनुपर्ने उल्लेख गरिएको छ ।
मेडिकल शिक्षाको सुधारको माग गर्दै डाक्टर केसीले कर्णाली स्वास्थ्य विज्ञान प्रतिष्ठान जुम्लामा आमरण अनशन सुरु गरेपछि कांग्रेसले संसदमा जरुरी सार्वजनिक महत्वको प्रस्ताव दर्ता गराएको हो ।
यसैबीच प्रतिनिधिसभाको सोमबारको बैठकले संसदीय सुनुवाई समितिमा रहने सांसदको नाम अनुमोदन गर्दैछ । नाम अनुमोदनपछि समिति गठन हुनेछ । सुनुवाई समिति नहुँदा प्रधानन्यायाधिश लगायत संवैधानिक नियुक्तिको बाटो खुल्नेछ ।