स्पेनको नयाँ प्रशिक्षकमा लुइस एनरिके

असार २५, २०७५ सोमबार १८:३८:५२ | एजेन्सी

स्पेनिस फुटबल संघले लुइस एनरिकेलाई प्रशिक्षकमा नियुक्त गरेको छ ।

विश्वकपमा खराब प्रदर्शनपछि एनरिकेले स्पेनिस टिम सम्हाल्ने पक्का भएको हो । स्पेनिस फुटबल संघले बार्सिलोनाका पूर्व प्रशिक्षक एनरिकेलाई दुई वर्षका लागि अनुबन्ध गरेको छ ।

सन् २०१० को च्याम्पियन स्पेन रसिया विश्वकपको प्रि–क्वार्टरफाइनलमा आयोजक राष्ट्रसँग पराजित हुँदै घर फर्किएको थियो ।

विश्वकपअघि स्पेनिस क्लब रियल मड्रिडमा सम्झौता गरेका कारण तत्कालीन प्रशिक्षक जुलेन लापेटेगीलाई बर्खास्त गरेपछि स्पेनिस फुटबल टिम प्रशिक्षकविहीन थियो । विश्वकपका लागि स्पेनले फार्नाण्डो हिएरोलाई अन्तरिम प्रशिक्षकमा नियुक्त गरेको थियो । तर राम्रो टिम हुँदा हुँदै पनि हिएरोले स्पेनलाई सफलता दिलाउन नसकेपछि एनरिकेलाई नियुक्त गरिएको हो ।

अब एनरिकेले स्पेनलाई युरो कप २०२० को छनोट चरणका लागि प्रशिक्षण दिनेछन् । एनरिकेले सन् २०१६-१७ सिजनको समाप्तिपछि बार्सिलोना छाडेका थिए । उनलाई अनुबन्ध गर्नका लागि चेल्सीले पनि प्रस्ताव गरेको थियो ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्